india
பிரதமர் மோடிக்காக முன்கூட்டியே திட்டமிட்டு அமெரிக்க அதிபர் ஜோ பைடன், முதல் பெண்மணி ஜில் பைடன் விருந்து ஏற்பாடு செய்தனர்.
இந்திய மூவர்ணக் கொடி, அமெரிக்க கொடியை போன்ற அலங்காரத்துடன் உணவுகள் பரிமாறப்பட்டன.
பிரதமர் மோடியின் விருப்பம் சைவ உணவு என்பதால், தாவர உணவில் நிபுணத்துவம் பெற்ற செஃப் நினா கர்ட்டிஸுடன் இணைந்து வெள்ளை மாளிகை ஊழியர்கள் உணவுகளை தயாரித்தார்களாம்.
வெள்ளை மாளிகை விருந்தில் தினை உணவுகளும் இடம் பெற பிரதமர் மோடி விருப்பம் தெரிவித்து இருந்ததால், அதற்கும் முக்கியத்துவம் கொடுக்கப்பட்டது.
விருந்தின்போது ஒவ்வொரு மேசையிலும் காவி நிற பூக்களுடன் பச்சை நிறத்தில் அலங்கரிக்கப்பட்டிருந்தது. இந்த விருந்துக்கு மொத்தம் 400 பேர் அழைக்கப்பட்டு இருந்தனர்.
மரைனேட் செய்யப்பட்ட தினை, வறுக்கப்பட்ட சோள கர்னல் சாலட், தர்பூசணி, அவகோடோ சாஸ் போன்றவையும் உணவு பரிமாற்றத்தில் இடம் பெற்றிருந்தன.
காளான், கிரீமி குங்குமப்பூவுடன் அரிசி கலந்த ரிசொட்டோ என்ற இத்தாலி வகை உணவு, வறுத்த கொடுவா மீன், எலுமிச்சை- வெந்தயம் தயிர் சாஸ், தினை கேக் ஆகியவை விருந்து மேசையில் இருந்தன.
வெள்ளை மாளிகையில் ஜோ பைடன், ஜில் பைடனுக்கு இந்தியாவில் வடிவமைக்கப்பட்ட வைரத்தை சிறப்பு பரிசாக மோடி வழங்கினார்.
80 வயதானவர்களுக்கு வழங்கும் பசு, நிலம், எள் விதை, தங்கம், நெய், துணி, உணவு தானியங்கள், வெல்லம், வெள்ளி, உப்பு போன்றவை ஜோ பைடனுக்கு மோடி வழங்கினார்.