ஆரோக்கியமாக இருக்க பின்பற்ற வேண்டிய காலை பழக்கவழக்கங்கள்!!

காலை எழுந்தவுடன் உங்களது உடலை உற்சாகப்படுத்தவும், உடலில் வளர்ச்சிதை மாற்றத்தை தொடங்கவும், ஒரு கிளாஸ் தண்ணீருடன் உங்களது நாளை தொடங்குங்கள்.

தினமும் காலையில் ஏதாவது ஒரு உடற்பயிற்சி செய்வதை பழக்கமாக்கிக் கொள்ளுங்கள். இதனால் உடல் வலிமையாகும், ரத்த ஓட்டம் மேம்படும் மற்றும் விறைப்பு குறையும்.

மனம் ஆரோக்கியமாக இருக்கவும், அமைதிப்படுத்தவும், நேர்மறை சிந்தனையை ஊக்குவிக்கவும், யோகா, தியானம் மற்றும் ஆழ்ந்த சுவாச பயிற்சியை தினமும் செய்யுங்கள்.

நாள் முழுவதும் ஆற்றலுடன் இருக்கவும், வேலையில் கவனம் ஆரோக்கியமான காலை உணவை சாப்பிடுங்கள்.

நாளுக்கான வேலைகளை முன்னுரிமை படுத்தவும், திட்டத்தை உருவாக்கவும், சிறிது நேரம் ஒதுக்கினால் மன அழுத்தம் குறையும், வேலையில் சிறந்த முடிவுகளை பெற முடியும்.

தனிப்பட்ட சுகாதாரத்திற்காக சிறிது நேரம் ஒதுக்கினால் தன்னம்பிக்கை அதிகரிக்கும். உங்களது தலைமுடியை நேர்த்தியாக சீவுங்கள் மற்றும் பருவத்திற்கு ஏற்ற ஆடைகளை அணியுங்கள்.

காலை எழுந்ததும் வீட்டின் திரைகளை, கதவுகளை, ஜன்னல்களை திறந்து இயற்கை வெளிச்சம் வரும்படி செய்யவும். சூரிய ஒளி உங்களது மனநிலை, ஆற்றல் மட்டத்தை மேம்படுத்தும்.

உங்களது உடல் மற்றும் மனதை நிதானப்படுத்தவும், புத்துணர்ச்சியாக வைக்கவும், சுமார் 7 முதல் 8 மணி நேரம் தூக்கம் அவசியம்.