சளித்தொல்லை நீங்க இருமல் குணமாக வெற்றிலை ரசம் இதோ..

சளி, இருமல் தொல்லையை நீக்கக்கூடிய மருத்துவ குணம் வெற்றிலையில் உள்ளது. எனவே வெற்றிலையை வைத்து எப்படி ரசம் செய்வது என்று இங்கு பார்க்கலாம்

வெற்றிலை - 6, மஞ்சள் தூள், தனியாத்தூள், வேகவைத்த துவரம் பருப்பு, மிளகுப்பொடி சீரகப்பொடி இவை அனைத்தும் 1 தேக்கரண்டி.

பழுது தக்காளி 2, கடுகு சிறிதளவு, உப்பு மற்றும் எண்ணெய் தேவையான அளவு.

முதலில் வெற்றிலை மற்றும் தக்காளியை நன்கு பொடியாக நறுக்கிக் கொள்ளுங்கள். அதேசமயம் புளியை நீரில் கரைத்து வைத்துக் கொள்ளுங்கள். 

பின்னர் கடாயில் எண்ணெய் ஊற்றிக் கொள்ளுங்கள். எண்ணெய் சூடானதும் கடுகு போட்டவும். பின் தக்காளியை சேர்த்து வதக்கிக் கொள்ளுங்கள்.

தக்காளி நன்கு வதங்கியதும் மஞ்சள் தூள், புளி கரைசல் மற்றும் பருப்பு ஆகியவற்றுடன் தேவையான அளவு தண்ணீர் சேர்த்துக் கொள்ளுங்கள். அவை நன்கு கொதிக்க வேண்டும்.

அதேசமயம் மற்றொரு கடாயில் சிறிதளவு எண்ணெய் ஊற்றிக் கொள்ளுங்கள். பின் தனியா தூள் மிளகு, சீரகப்பொடி ஆகியவற்றை நன்கு வதக்கி கொள்ளுங்கள். 

பின் அவற்றை கொதிக்கும் ரசத்தில் சேர்த்து அடுப்பை அணைக்கவும். உடனே நறுக்கி வெற்றிலையை இவற்றில் சேர்த்து மூடி வைத்துக் கொள்ளுங்கள். 15 நிமிடம் அப்படியே விட்டு விடுங்கள்.