பாத தசைகளை வலுப்படுத்தவும் சமநிலையை மேம்படுத்தவும் எளிய பயிற்சிகள்

நாற்காலியில் அமர்ந்து, பாதத்தின் அடியில் டென்னிஸ் பந்தை வைத்து முன்னும் பின்னும் உருட்டவும். இது பாதத்தின் வளைவுப் பகுதி இறுக்கத்தைக் குறைத்து ரத்த ஓட்டத்தை சீராக்கும்.

வீட்டிற்குள்ளோ புல்வெளியிலோ வெறும் காலில் நடப்பது பாதத் தசைகளுக்குச் சிறந்த மசாஜ் ஆகும். இது நரம்புகளைத் தூண்டி, தசைகளை இயற்கையாகவே வலுவாக்க உதவுகிறது. 

கால்களை நீட்டி அமர்ந்து, கால் விரல்களை உங்கள் பக்கம் இழுக்கவும். இது பாதத்தின் அடிப்பகுதியில் ஏற்படும் பிளான்டர் ஃபாஸியா (Plantar Fascia) வலிக்குச் சிறந்த தீர்வாகும்.

தரையிலுள்ள கோலிகள் அல்லது பந்துகளைக் கால் விரல்களால் மட்டும் எடுத்து கிண்ணத்தில் போடவும். இது விரல்களின் பிடிமானத்தையும் தசைகளையும் வலுப்படுத்தும் எளிய பயிற்சியாகும்.

தரை விரிப்பில் குதிங்காலை ஊன்றி, விரல்களால் மட்டும் துண்டைச் சுருட்டி இழுக்கவும். இது பாத வளைவுகளை (Arch) வலுப்படுத்தும் எளிய மற்றும் சிறந்த பயிற்சியாகும்.