யூடியூப் பிரபலம்;

சமீப காலமாக, வெள்ளித்திரை மற்றும் சின்னத்திரை பிரபலங்களுக்கு நிகரான வரவேற்பை பெற்று வருகிறார்கள் யூடியூப் மூலம் பிரபலங்கள்.

அந்த வகையில், விதவிதமான சாப்பாட்டை ருசித்து, அதனை ரிவியூ செய்து மிகவும் பிரபலமானவர் யூடியூப்ர் இர்பான்.
 

இவருக்கு உள்நாட்டில் மட்டும் அல்ல, வெளிநாட்டிலும் ஏகப்பட்ட ரசிகர்கள் உள்ளனர். மேலும் இவர் வெளிநாடுகளுக்கு கூட சென்று அந்த ஊர் கலாச்சார உணவுகளை ருசித்து ரிவியூ செய்துள்ளார்.

இதை தாண்டி, பலர் பிரபலங்களையும் சாப்பிட வைத்து மிகவும் சுவாரஸ்யமாக பேட்டி எடுத்து வருகிறார்.

சமீபத்தில், அமெரிக்காவில் நடிகர் நெப்போலியனின் வீட்டுக்கு சென்று, அவரின் வீட்டை ஹாம் டூர் செய்தது மட்டும் அவரை பேட்டி எடுத்திருந்தார்.

இவர் லியோ படத்திலும் ஒரு முக்கிய கதாபாத்திரத்தில் நடித்து வருவதாக கூறப்படுகிறது.

இர்பானுக்கு வரும் மே 14 ஆம் தேதி திருமணம் நடைபெற உள்ள நிலையில், இவர் ஆளுநர் முதல் உலக நாயகன் வரை பல திரைபிரபலங்கள் மற்றும் அரசியல் பிரபங்களுக்கு நேரடியாக சென்று அழைப்பு விடுத்தார்.

இந்நிலையில் இர்பானின் ஹல்தி கொண்டாட்டம் நேற்று நடந்துள்ளது.

தன்னுடைய நண்பர்களுடன் இர்பான், ஹல்தி உடையில்... கலக்கலாக எடுத்து கொண்ட போட்டோஸ் தற்போது வைரலாகி வருகிறது.

இவரின் திருமணத்திலும், பல பிரபலங்கள் உட்பட அரசியல் பிரபலங்களும் கலந்து கொள்வார்கள் என எதிர்பார்க்கப்படுகிறது.