கோலிவுட் திரையுலகின் நட்சத்திர ஜோடிகளான சினேகா - பிரசன்னா ஜோடி இன்று தங்களின் 11ஆம் ஆண்டு, திருமண நாளை கொண்டாடி வருகிறார்கள்.

நடிகர் பிரசன்னாவுக்கு ஜோடியாக நடிக்கும் அச்சமுண்டு அச்சமுண்டு படத்தில் நடிக்கும் போது இருவருக்கும் இடையே காதல் முட்டி கொண்டது.

வழக்கம் போல் இருவரும் காதலை மூடி மறைந்த நிலையில்... பின்னர் பெற்றோர் சம்மதத்துடன் 2012 ஆம் ஆண்டு திருமணம் செய்து கொண்டனர்.

இவர்களின் காதலுக்கு அடையாளமாகவும், அன்பின் சாட்சியாகவும் ஒரு ஆண் குழந்தையும் ஒரு பெண் குழந்தையும் உள்ளது.

snehaசினேகா - பிரசன்னா ஜோடிக்கு திருமணம் ஆகி 11 ஆண்டுகள் ஆகிய பின்னரும் இருவரும் குறையாத காதலுடன் இளம் ஜோடிகள் போல் வலம் வந்து கொண்டிருக்கிறார்கள்.

திருமண நாளை முன்னிட்டு... மனைவி சினேகாவுடன் எடுத்து கொண்ட சில புகைப்படங்களை வெளியிட்டு, பூரித்த அன்பை வெளிப்படுத்தி இவர் போட்டுள்ள பதிவு லைக்குகளை குவித்து வருகிறது.

கியூட்டாக ஏய் பொண்டாட்டி இந்த சிறப்பு நாளில் உன்னிடம் சொல்ல விரும்புவது, என்னுடைய வாழ்க்கையில் பல திருப்பங்கள் இருந்தாலும், உன் கையை பிடித்துக் கொண்டு நிறைய கற்றுக் கொண்டேன். 

உன்னுடன் நான் வந்த பயணத்திற்கு நன்றி. நான் கஷ்டங்கள் மற்றும் சவால்களை சந்தித்த போதெல்லாம் நீ என் பக்கத்தில் இருந்தாய். அதனால் கஷ்டம் என்னை எதுவும் செய்யவில்லை.

உன்னுடைய அன்பு என்னை வழி நடத்தியது, எனக்கு ஏற்பட்ட இருள் அனைத்தையும் விரட்டும் ஒளி நீயாக மாறினாய். 

நீ என் மனைவியாக வந்ததற்கு நன்றியுள்ளவனாக இருப்பேன், நம் குழந்தைகள் விலை மதிப்பில்லா பரிசுகள் என்றும் தெரிவித்துள்ளார்.

கடவுளின் ஆசிர்வாதத்தால், உன்னுடைய அன்பால் உன்னுடைய புன்னகையால் என் உலகத்தை நீ அற்புதமாக மாற்றினாய்.  உன் கைகளைப் பிடித்துக் கொண்டு தொலைதூர  செல்ல வேண்டும் என்று விரும்புகிறேன்

என்னை ஒருபோதும் விட்டுக் கொடுக்காத உன் அன்பில் மீண்டும் ஒரு வருடம் கழிந்து உள்ளது. இனிய திருமண நாள் வாழ்த்துக்கள், என் அன்பே... என் கண்ணம்மா.... 

ஒவ்வொரு நாளையும் ஒவ்வொரு நொடியையும் நாம் சிறப்பாக வாழ்வோம். உன்னை நான் எப்போதும் காதலிக்கிறேன், நம் காதல் வலுவாகவும் உயர்ந்ததாகவும் இருக்கும்’ என்று கூறியுள்ளார்.