சென்னையில் பூத்த மலரே த்ரிஷா:

நடிகை த்ரிஷா, சென்னையில் 1983 ஆம் ஆண்டு பிறந்தவர்.

த்ரிஷாவின் பெற்றோர் கிருஷ்ணன் மற்றும் உமா இருவரும் கேரள மாநிலம் பாலக்காடு பகுதியை பூர்வீகமாக கொண்டவர்கள்.

எத்திராஜ் கல்லூரியில் படித்து கொண்டே, மாடலிங் துறையில் கவனம் செலுத்தினார்.

மாடலிங் செய்துகொண்டிருக்கும் போதே... த்ரிஷா மனதில் நடிக்க வேண்டும் என்கிற ஆசை துளிர்விட்டது.

த்ரிஷா எடுத்த எடுப்பிலேயே ஹீரோயினாக நடித்துவிட வில்லை பிரஷாந்த் - சிம்ரன் நடித்த ஜோடி படத்தில் ஒரு சிறு ரோலில் நடித்தார்.

த்ரிஷாவின் அழகையும் ஆர்வத்தையும் கண்டு இவருக்கு ஹீரோயின் வாய்ப்பை கொடுத்தார் அமீர். மௌனம் பேசியதே படத்தின் நாயகியாகவும் மாறினார்.

இவரின் நடிப்புக்கு ரசிகர்கள் மத்தியில் நல்ல வரவேற்பு கிடைத்ததை தொடர்ந்து, விஜய், அஜித், சூர்யா, கமல் என அணைத்து முன்னணி நடிகர்களுக்கும் ஜோடிபோட்டு நடித்தார்.

2002 ஆம் ஆண்டு, கதாநாயகியாக அறிமுகமான த்ரிஷா 2023 ஆம் ஆண்டு வரை தொடர்ந்து கதாநாயகியாக மட்டுமே நடித்து வருகிறார்.
 

இந்நிலையில் த்ரிஷா, இன்று தன்னுடைய 40 ஆவது பிறந்தநாளை கொண்டாடி வரும் நிலையில், அவருக்கு எட்டு திக்கில் இருந்தும் வாழ்த்துக்கள் குவிந்து வருகிறது.