அஜித்துக்கு முன் பத்ம பூஷன் விருது பெற்ற தமிழ் நடிகர்கள்!

மத்திய அரசால் வழங்கப்படும் மிக உயரிய விருதுகளில் ஒன்றான, பத்ம விருதை அஜித்துக்கு முன் எந்தெந்த பிரபலங்கள் பெற்றுள்ளனர் என்பது பற்றி தெரியுமா?

இந்த ஆண்டு குடியரசு தினத்தை முன்னிட்டு ஜனவரி 25-ஆம் தேதி பத்ம விருதுகள் அறிவிக்கப்பட்டன.

தமிழ் திரையுலகின் நம்பிக்கை நட்சத்திரமான நடிகர் அஜித் உட்பட மொத்தம் 139 பேருக்கு விருது அறிவிக்கப்பட்டது.

அஜித் நடிப்பை தாண்டி கார் ரேஸ் போட்டிகளில் கலந்து கொண்டு, தன்னுடைய சிறப்பான பங்களிப்பை அளித்து வருவதால் இவருக்கு பத்ம பூஷன் வழங்கப்பட்டது.
 

நேற்று குடியரசு தலைவர் மாளிகையில் நடந்த விழாவில், அஜித் தன்னுடைய குடும்பத்துடன் சென்று இந்த விருதை பெற்றுக்கொண்டார்.
 

அஜித்துக்கு முன் பத்ம விருது பெற்ற பிரபலங்கள் பற்றிய தகவல்கள் வெளியாகி உள்ளது.

அதன்படி, இந்த விருதை முதன்முதலில் வென்றவர் நடிகர் திலகம் சிவாஜி கணேசன் தான். 1984ஆம் ஆண்டு இவருக்கு வழங்கப்பட்டது.  
 

இவருக்கு அடுத்தபடியாக சூப்பர் ஸ்டார் ரஜினிகாந்துக்கு இந்த விருது 2000ஆம் ஆண்டு வழங்கப்பட்டது. 
 

இவரை தொடர்ந்து, உலக நாயகன் கமல்ஹாசன் 2014ஆம் ஆண்டு பெற்றுள்ளார். 
 

கடந்த ஆண்டு புரட்சிக் கலைஞர் விஜயகாந்துக்கு பத்ம பூஷன் விருது அறிவிக்கப்பட்டது. அவரது மறைவுக்குப் பின் பத்ம விருது அறிவிக்கப்பட்டதால் பிரேமலதா பெற்று கொண்டார். 

இதை தொடர்ந்து இந்த ஆண்டுக்கான பத்ம பூஷன் விருதை நடிகர் அஜித் குமார் பெற்றுள்ளார் என்பது குறிப்பிடத்தக்கது.