cinema
நடிகை நமீதா நேற்று, தன்னுடைய 42-ஆவது பிறந்தநாளை கொண்டாடினார்.
இவரின் பிறந்தநாளை முன்னிட்டு சிறப்பு அழைப்பிதழ் ஒன்று வெளியானது. பாஜக அரசியல் தலைவர்களான மோடி, அமித்ஷா முதல் அண்ணாமலை வரை அதில் இடம்பெற்றிருந்தனர்.
இந்த பத்திரிக்கையில் நமீதாவின் பிறந்தநாளை முன்னிட்டு கபாலீஸ்வரர் கோவிலில் 108 தாமரை அபிஷேகம் செய்யப்பட உள்ளதாக அறிவிக்கப்பட்டிருந்தது.
நடிகை நமீதா தன்னுடைய பிறந்தநாளை முன்னிட்டு கோவிலுக்கு வருகிறார் என்கிற செய்தியை அறிந்து, ரசிகர்கள் பலர் கபாலீஸ்வரர் கோவிலில் குவிந்தனர்.
அதே போல் தற்போது பாஜக கட்சியில் நமீதா இணைந்துள்ளதால், இவரது பிறந்தநாள் விழா கொண்டாட்டத்தில் சில பாஜக தொண்டர்களும் கலந்து கொண்டனர்.
தன்னுடைய கணவருடன் பட்டு புடவை அணிந்து கோவிலுக்கு வந்த நமீதா, சிறப்பு பூஜை செய்து... கடவுளை வழிபாடு செய்தார். அவருக்கு மாலை அணிவித்து மரியாதையும் செய்யப்பட்டது.
இதை தொடர்ந்து, நமீதா ரசிகர்களுக்கும், பாஜக சார்பில் பிறந்தநாள் விழாவில் கலந்து கொண்ட தொண்டர்களுக்கும் இனிப்புகளை வழங்கினார்.
குடும்ப குத்துவிளக்காக அழகிய சேலையில், கோவிலுக்கு வந்து நமீதா பூஜை செய்து, பிறந்தநாள் கொண்டாடிய புகைப்படங்கள் வெளியாகி வைரலாக பார்க்கப்பட்டு வருகிறது.
நேற்று தன்னுடைய 42-ஆவது பிறந்தநாளை கொண்டாடிய நமீதாவுக்கு ரசிகர்கள் மற்றும் பிரபலங்கள் பலர் தங்களுடைய வாழ்த்துக்களை சமூக வலைத்தளம் மூலம் தெரிவித்தது குறிப்பிடத்தக்கது.