நடிகை குஷ்புவின் ட்விட்டர் பக்கம் ஹேக்

தமிழ் சினிமாவில் 80-ஸ் மற்றும் 90-ஸ் காலகட்டத்தில் முன்னணி நடிகையாக இருந்தவர் குஷ்பு.
 

திருமணத்திற்கு பின்னர் வெள்ளித்திரையில் ஹீரோயின் வாய்ப்பு கிடைக்கவில்லை என்றாலும் சீரியலில் ஹீரோயினாக நடிக்க துவங்கினார்.
 

அதே போல் திரைப்படங்களில் நடிப்பை வெளிப்படுத்தக்கூடிய கதாபாத்திரங்களை தேர்வு செய்து நடித்து வருகிறார்.
 

நடிப்பை தாண்டி, தயாரிப்பாளராகவும், பாஜக கட்சியில் முக்கிய பொறுப்பிலும் இருக்கிறார்.
 

சில வருடங்களாக சின்னத்திரை பக்கம் வராமல் இருந்த குஷ்பு தற்போது சரோஜினி என்கிற தொடரில் நடித்து வருகிறார். தூர்தஷன் தொலைக்காட்சியில் இந்த தொடர் ஒளிபரப்பாக உள்ளது.
 

குஷ்பு-வை தொடர்ந்து அவரின் மகள் அவந்திகாவும் சினிமாவில் நடிகையாக மாற முயற்சி செய்து வருகிறார்.
 

சமூக வலைத்தளங்களான ட்விட்டர் மற்றும் இன்ஸ்டாகிராம் பக்கத்தில் மிகவும் ஆக்டிவாக இருக்கும் குஷ்பு தற்போது தன்னுடைய ட்விட்டர் பக்கம் ஹேக் செய்யப்பட்டதாக அவரே கூறியுள்ளார்.
 

தனது எக்ஸ் கணக்கில் ஹேக்கர்கள் மின்னஞ்சல் முகவரியை மாற்றியுள்ளதாகவும் இதுதொடர்பாக புகார் அளித்துள்ளதாகவும் கூறியுள்ளார்.

எக்ஸ் பக்கத்தை மீட்கும் முயற்சியில் நிபுணர்கள் ஈடுபட்டுள்ளதாகவும் கூறியுள்ளார்.

ஏற்கனவே த்ரிஷா, ஸ்ரேயா கோஷல் உள்ளிட்ட பிரபலங்களின் ட்விட்டர் பக்கம் ஹேக் செய்யப்பட்ட நிலையில் இப்போது குஷ்புவின் ட்விட்டருக்கு ஹேக் செய்யப்பட்டுள்ளது.