யோகா என்பது வெறும் உடற்பயிற்சி அல்ல.. அது ஒரு வாழ்க்கைமுறை.. ஐ.நா தலைமையகத்தில் பிரதமர் மோடி பேச்சு..

யோகா என்பது வெறும் உடற்பயிற்சி அல்ல என்றும் அது ஒரு வாழ்க்கைமுறை என்று ஐ.நா தலைமையகத்தில் நடந்த சர்வதேச யோகா நிகழ்ச்சியில் பிரதமர் மோடி தெரிவித்தார்.

சர்வதேச யோகா தினத்தை முன்னிட்டு, நியூயார்க்கில் உள்ள ஐ.நா தலைமையகத்தில் பிரதமர் நரேந்திர மோடி தலைமையில் பிரம்மாண்ட யோகா நிகழ்ச்சி நடைபெற்றது. அப்போது உரையாற்றிய பிரதமர் மோடி “முழு மனித இனத்தின் சந்திப்பில் நாங்கள் இங்கு கூடியுள்ளோம். உங்கள் அனைவரையும் பார்த்ததில் மகிழ்ச்சி அடைகிறேன். அனைவருக்கும் நன்றி. ஏறக்குறைய ஒவ்வொரு தேசிய இனமும் இன்று இங்கு பிரதிநிதித்துவப்படுத்தப்பட்டுள்ளது என்று நினைக்கிறேன். யோகா என்றால் ஒன்றுபடுவது, எனவே நீங்கள் ஒன்றிணைவது யோகாவின் மற்றொரு வடிவத்தின் வெளிப்பாடு. 

கடந்த ஆண்டு முழு உலகமும் ஒன்றிணைந்து 2023 ஆம் ஆண்டை சர்வதேச தினை ஆண்டாகக் கொண்டாடும் இந்தியாவின் முன்மொழிவுக்கு ஆதரவளித்தது. யோகாவிற்கு மீண்டும் ஒன்று சேர்ந்துள்ளதை பார்க்கும் போது மகிழ்ச்சி அளிக்கிறது. யோகா இந்தியாவில் இருந்து வந்தது. இது மிகவும் பழமையான பாரம்பரியமாகும். இந்தியவின் மற்ற பாரம்பரியத்தை போலவே, யோகா சக்திவாய்ந்தது. யோகா காப்புரிமைகள் மற்றும் ராயல்டி கொடுப்பனவுகள் அல்லாதது இந்த யோகா. யோகா உங்கள் வயது, பாலினம் மற்றும் உடற்பயிற்சி நிலைக்கு ஏற்றது. உண்மையிலேயே யோகா உலகளாவியது.

நீங்கள் யோகா செய்தால், உடலளவில் ஃபிட்டாகவும், மனதளவில் அமைதியாகவும் உணர்வீர்கள். யோகா என்பது வெறும் உடற்பயிற்சி அல்ல. யோகா ஒரு வாழ்க்கை முறை. ஆரோக்கியம் மற்றும் நல்வாழ்வுக்கான முழுமையான அணுகுமுறை. எண்ணங்கள் மற்றும் செயல்களில் நினைவாற்றலுக்கான வழி. தன்னுடனும், மற்றவர்களுடனும், இயற்கையுடனும் இணக்கமாக வாழ்வதற்கான ஒரு வழி. " என்று தெரிவித்தார்.

நியூயார்க்கில் உள்ள ஐக்கிய நாடுகள் சபையின் தலைமையகத்தில் நடைபெற்ற யோகா தின நிகழ்ச்சியில் ஏராளமானோர் பங்கேற்றனர். பிரதமர் நரேந்திர மோடி தலைமையில் நடைபெற்ற இந்த நிகழ்சியில் மோடியை பின்பற்றி யோகா பயிற்சிகளை மேற்கொண்டனர்.