₹2.5 கோடி சம்பளம் வேண்டும்: பெண்ணின் டேட்டிங் எதிர்பார்ப்பு - கடுப்பான நெட்டிசன்கள்

டேட்டிங் செயலியில் ஒரு பெண் தனது வருங்கால துணையிடம் எதிர்பார்க்கும் 18 அம்ச பட்டியலை வெளியிட்டுள்ளார். ₹2.5 கோடி வருடாந்திர சம்பளம், உடல் தகுதி, ஆடம்பர வாழ்க்கை முறை உள்ளிட்ட பல எதிர்பார்ப்புகளை அவர் முன்வைத்துள்ளார். இது சமூக வலைத்தளங்களில் பெரும் விவாதத்தை கிளப்பியுள்ளது.

Woman demands ₹2.5 crore salary from future husband: சமீபத்தில் ஒரு பதிவு இணையத்தில் வைரலாகி வருகிறது. வைரலான இந்தப் பட்டியலை, டேட்டிங் செயலியான ஹிஞ்சிலில் ஒரு ஆண் பகிர்ந்து கொண்டார். இவர்களுக்கு இடையேயான உரையாடலில், ஒரு சிறந்த துணையிடமிருந்து அவள் என்ன எதிர்பார்க்கிறாள் என்பதை கோடிட்டுக் காட்டும் 18 பாயிண்ட்கள் வெளியானது. இது பரபரப்பை ஏற்படுத்தி உள்ளது.

ஆடம்பர வாழ்க்கை முறை மற்றும் அதிக சம்பளம் அவசியம்

அந்த பெண் உடைய பட்டியலில் அதிகம் பேசப்படும் விஷயங்களில் ஒன்று, குறைந்தபட்சம் $300,000 (சுமார் ₹2.5 கோடி) வருடாந்திர சம்பளம் தேவை. இதனுடன், உடல் தகுதி மற்றும் உயர்நிலை வாழ்க்கை முறையை வழிநடத்தும் ஒரு துணை வேண்டுமென்று அந்த பெண் கேட்கிறார். மேலும் அவளுடைய எதிர்பார்ப்புகளில் துணிச்சலான நடத்தை மற்றும் பிறப்பு கட்டுப்பாட்டிற்கான முழுப் பொறுப்பும் அடங்கும். இந்த கோரிக்கைகள் அவள் நிதி ரீதியாக நல்ல நிலையில் உள்ள, நவீன-ஆனால் பாரம்பரியமான துணையைத் தேடுகிறாள் என்பதைக் குறிக்கின்றது என்றே கூறலாம்.

சோசியல் மீடியாவில் எழுந்த விவாதம்

அந்தப் பெண் ஒரு தனிப்பட்ட பயிற்சியாளராக பகுதிநேர வேலை செய்து ஆண்டுக்கு $10,000 க்கும் குறைவாகவே சம்பாதிக்கிறார் என்று கூறப்படுகிறது. பட்டியலைப் பகிர்ந்து கொண்ட ஆண், அவளுடைய எதிர்பார்ப்புகளுக்கும் அவளுடைய சொந்த நிதி நிலைமைக்கும் இடையே உள்ள வேறுபாட்டை ஆச்சரியமாகக் கண்டார் என்றே கூறலாம். ஒரு எளிமையான காபி சந்திப்புடன் தொடங்குமாறு அவர் பரிந்துரைத்தபோது, அதனை அப்பெண் மறுத்தாள். ரெடிட் பயனர்கள் பட்டியலுக்கு எதிர்வினையாற்றினர். அமெரிக்காவில் ஒரு சிறிய சதவீத ஆண்கள் மட்டுமே $300,000 க்கு மேல் சம்பாதிக்கிறார்கள் என்று சிலர் சுட்டிக்காட்டினார்கள்.

டேட்டிங் எதிர்பார்ப்புகள்

டேட்டிங் விருப்பத்தேர்வுகள் மற்றும் உறவுத் தரநிலைகள் எவ்வாறு பரவலான விவாதங்களைத் தூண்டும் என்பதை இந்த வைரல் சம்பவம் மீண்டும் ஒருமுறை எடுத்துக்காட்டுகிறது. ஒவ்வொருவருக்கும் அவரவர் விருப்பங்களுக்கு உரிமை உண்டு என்றாலும், யதார்த்தமான எதிர்பார்ப்புகளுக்கும் தனிப்பட்ட பங்களிப்புகளுக்கும் இடையிலான சமநிலை இன்றைய டிஜிட்டல் டேட்டிங் உலகில் தொடர்ந்து பரபரப்பான விஷயமாகவே உள்ளது.