Earthquake : மலேசியாவில் பயங்கர நிலநடுக்கம்..சுனாமி எச்சரிக்கை -11 செ.மீ உயர்ந்த நீரின் மேற்பரப்பு - பரபரப்பு
By Raghupati R | First Published Apr 25, 2023, 8:40 AM ISTமலேசியாவின் கோலாலம்பூர் அருகே உள்ள தெற்கு சுமத்ராவில் கடுமையான நிலநடுக்கம் இன்று (ஏப்ரல் 25) ஏற்பட்டது.
இந்தோனேசியாவின் தெற்கு சுமத்ராவில் செவ்வாய்கிழமை (ஏப்ரல் 25) அதிகாலை 4 மணியளவில் ரிக்டர் அளவுகோலில் 7.0 என்ற அளவில் வலுவான நிலநடுக்கம் ஏற்பட்டதாக மலேசிய வானிலை ஆய்வு மையம் தெரிவித்துள்ளது.
இந்தோனேசியாவின் சைபரட்டில் இருந்து வடமேற்கே 85 கி.மீ தொலைவில் 48 கி.மீ ஆழத்தில் நிலநடுக்கம் மையம் கொண்டிருந்ததாக அந்த அறிக்கையில் தெரிவிக்கப்பட்டுள்ளது. தீபகற்ப மலேசியாவின் மேற்குக் கடற்கரைப் பகுதியில் நடுக்கம் உணரப்பட்டது என்று தனது முகநூல் பக்கத்தில் தெரிவித்துள்ளது.
Latest Videos
undefined
இந்த நிலநடுக்கம் மலேசியாவிற்கு சுனாமி அச்சுறுத்தலை ஏற்படுத்தவில்லை என மெட்மலேசியா தெரிவித்துள்ளது. இதற்கிடையே, இந்தோனேசியாவின் வானிலை, காலநிலை மற்றும் புவி இயற்பியல் றுவனம், நிலநடுக்கத்தைத் தொடர்ந்து சுனாமி எச்சரிக்கை விடப்பட்டதாகத் தெரிவித்துள்ளது.
அதன் ஆரம்ப அறிக்கையான 7.3ல் இருந்து நிலநடுக்கத்தின் ரிக்டர் அளவு 6.9 ஆகவும் அது திருத்தப்பட்டது. மென்டவாய் தீவுகள் மாவட்டத்தின் சைபரட் பராட் (மேற்கு சைபரட்) மற்றும் சைபரட் உத்தாரா (வடக்கு சைபரட்) ஆகிய துணை மாவட்டங்களில் உள்ள 2,000 க்கும் மேற்பட்ட குடியிருப்பாளர்கள் கடலோரப் பகுதிகளில் இருந்து உயரமான இடங்களுக்குச் சென்றுள்ளனர் என்று அவசர மற்றும் தளவாடப் பிரிவின் தலைவர் அமீர் அஹ்மரி தெரிவித்தார்.
இதுவரை, சேதங்கள் அல்லது உயிரிழப்புகள் குறித்த முதற்கட்ட அறிக்கைகள் அரசு தரப்பில் இருந்து வெளியாகவில்லை. நிலநடுக்கத்திற்குப் பிறகு இதுவரை எந்தவிதமான காயங்களும், உயிரிழப்புகளும், சேதங்களும் ஏற்படவில்லை என்று தேசிய பேரிடர் மேலாண்மை மற்றும் தணிப்பு முகமையின் செய்தித் தொடர்பாளர் அப்துல் முஹாரி தெரிவித்துள்ளார்.
வானிலை, காலநிலை மற்றும் புவி இயற்பியல் ஏஜென்சியின் தலைவர் த்விகோரிடா கர்னாவதி கூறுகையில், நீரின் மேற்பரப்பு 11 சென்டிமீட்டர் உயர்ந்துள்ளது. மேலும் உயரும் உயரம் 0.5 மீட்டருக்கு மேல் இருக்காது என்று நிறுவனம் கணித்துள்ளது என்று கூறினார்.
இதையும் படிங்க..iQOO : இப்படியொரு ஆஃபர் கிடைக்காது.. iQOO ஸ்மார்ட்போன்களுக்கு 25,000 வரை ஒரிஜினல் தள்ளுபடி - முழு விபரம்
சேனலை கிளிக் செய்து பின்தொடரவும்