ஐக்கிய அரபு அமீரகம் சென்ற பிரதமர் மோடியை அந்நாட்டு அதிபர் அதிபர் ஷேக் முகமது பின் சயீத் அல் நஹ்யான் வரவேற்றார்.
ஐக்கிய அரபு அமீரகம் சென்ற பிரதமர் மோடியை அந்நாட்டு அதிபர் அதிபர் ஷேக் முகமது பின் சயீத் அல் நஹ்யான் வரவேற்றார். வளைகுடா நாட்டின் முன்னாள் அதிபரும், அபுதாபி ஆட்சியாளருமான ஷேக் கலீஃபா பின் சயீத் அல் நஹ்யானின் மறைவுக்கு தனிப்பட்ட இரங்கல் தெரிவிக்கும் வகையில், பிரதமர் நரேந்திர மோடி இன்று ஐக்கிய அரபு அமீரகம் சென்றார். விமான நிலையத்தில் பிரதமர் மோடியை ஐக்கிய அரபு அமீரகத்தின் அதிபர் ஷேக் முகமது பின் சயீத் அல் நஹ்யான் வரவேற்றார். ஜெர்மனியில் நடைபெற்ற ஜி7 உச்சி மாநாட்டில் கலந்து கொண்ட பின்னர் பிரதமர் ஐக்கிய அரபு அமீரகம் சென்றார். அங்கு, நீண்ட காலமாக உடல்நலக் குறைவால் பாதிக்கப்பட்டு பிறகு மே 13 அன்று காலமான ஷேக் கலீஃபாவின் மறைவுக்கு பிரதமர் மோடி தனது தனிப்பட்ட இரங்கலைத் தெரிவித்தார்.
இதையும் படிங்க: எரிபொருள், உணவுப் பொருட்கள் விலை உயர்வு அனைத்து நாடுகளையும் பாதித்துள்ளது: ஜி7 மாநாட்டில் பிரதமர் மோடி
மேலும் அவரை ஒரு சிறந்த அரசியல்வாதி மற்றும் தொலைநோக்கு பார்வை கொண்ட தலைவர் என்றும், அதன் கீழ் இந்தியா - ஐக்கிய அரபு எமிரேட்ஸ் உறவுகள் செழித்திருப்பதாகவும் தெரிவித்தார். ஷேக் கலீஃபாவின் மறைவையடுத்து இந்தியா ஒரு நாள் அரசு துக்கத்தை அறிவித்திருந்தது. ஷேக் கலீஃபா ஐக்கிய அரபு எமிரேட்ஸின் நிறுவனர் ஜனாதிபதி ஷேக் சயீத் பின் சுல்தான் அல் நஹ்யானின் மூத்த மகன் ஆவார்.
இதையும் படிங்க: G7 மாநாட்டில் கலந்துகொண்ட நாட்டு தலைவர்களுக்கு அன்புப் பரிசு வழங்கினார் பிரதமர் மோடி!
ஐக்கிய அரபு அமீரகம் சென்ற பிரதமர் மோடியை விமான நிலையத்தில் ஐக்கிய அரபு அமீரக அதிபர் ஷேக் முகமது பின் சயீத் அல் நஹ்யான் வரவேற்றார். pic.twitter.com/YCvmvPFln2
— Asianetnews Tamil (@AsianetNewsTM)அவர் நவம்பர் 3, 2004 முதல் அவர் இறக்கும் வரை ஐக்கிய அரபு எமிரேட்ஸ் அதிபராகவும், அபுதாபியின் ஆட்சியாளராகவும் பணியாற்றினார். குடியரசுத் துணைத் தலைவர் வெங்கையா நாயுடு கடந்த மாதம் ஐக்கிய அரபு அமீரகம் சென்று ஷேக் கலீஃபாவின் மறைவுக்கு ஐக்கிய அரபு அமீரகத் தலைமைக்கு இரங்கல் தெரிவித்தார். 2019 ஆகஸ்டில் மோடி கடைசியாக ஐக்கிய அரபு எமிரேட்ஸுக்கு சென்றார். அப்போது அவர் ஐக்கிய அரபு எமிரேட்ஸ் அதிபரால் வழங்கப்பட்ட UAE இன் உயரிய விருதான Order of Zayed-ஐ பெற்றார். ஐக்கிய அரபு எமிரேட்ஸைப் பொறுத்தவரை, இந்தியா 2020 ஆம் ஆண்டில் சுமார் 27.93 பில்லியன் டாலர் (எண்ணெய் அல்லாத வர்த்தகம்) தொகையுடன் மூன்றாவது பெரிய வர்த்தக பங்காளியாக உள்ளது என்பது குறிப்பிடத்தக்கது.