இனி வாரத்திற்கு 3 நாட்கள் விடுமுறை...!! பிரதமரின் அதிரடி முடிவு..!!

கொரோனா காரணமாக நாட்டில் எல்லைகள் மூடப்பட்டுள்ள நிலையில் ,  சுற்றுலாத்தலங்கள் வெறிச்சோடி காணப்படுகின்றன.  இதனால் ஆகஸ்ட் மாதத்திற்குள் நாட்டின் பொருளாதாரம் 20 சதவீதம் வரை வீழ்ச்சி அடையும் என தெரிவிக்கப்பட்டுள்ளது .   

நியூசிலாந்தில் வீழ்ச்சி அடைந்துள்ள பொருளாதாரத்தை மீட்டெடுக்கும் முயற்சியாக அந்நாட்டில்  நான்கு நாட்கள் வேலை , மூன்று நாட்கள் விடுமுறை என்ற திட்டத்தை  நாட்டின் பிரதமர் ஜசிந்தா ஆர்டெர்ன் ஆதரித்துள்ளார்.  கொரோனா வைரஸ் ஒட்டுமொத்த உலகையே நிலைகுலைய வைத்துள்ள நிலையில் ,  ஒரு சில நாடுகள் அந்த வைரஸை மிகசாமர்த்தியமாக எதிர்கொண்டு அதிலிருந்து மீண்டுள்ளன. அப்படிப்பட்ட ஒரு நாடுதான் நியூஸிலாந்து, சுமார் 50 லட்சம் அளவுக்கு மக்கள் தொகை கொண்ட  அந்நாட்டை கொரோனாவில் இருந்து மீட்டதற்காக  பிரதமர் ஜசிந்தாவை  உலக நாடுகள் பாராட்டி வருகின்றன .  அந்நாட்டில் இதுவரை மொத்தம் வைரஸால் பாதிக்கப்பட்டவர்களின் எண்ணிக்கை வெறும் 1503 ,  உயிரிழந்தவர்களின் எண்ணிக்கை 21 மட்டுமே.  இந்நிலையில் கடந்த ஏப்ரல் மாதம் முதல் நியூசிலாந்து படிப்படியாக முழு அடைப்பை தளர்த்தியுள்ளது. 

ஊரடங்கு காலத்தில்  இழந்த பொருளாதாரத்தை மீட்டெடுப்பதற்கான முயற்சிகளில்  ஜசிந்தா தீவிரம் காட்டி வருகிறார் ,  இந்நிலையில் இது குறித்து வீடியோ வெளியிட்டுள்ள அவர் ,   வாரத்தில் 4 நாள் வேலை வேண்டும் என நிறைய பேர் விருப்பம் தெரிவித்துள்ளனர்,  வாரத்திற்கு மூன்று நாள் விடுமுறை என்பது நீண்ட விடுமுறை என்பதால் நியூசிலாந்து மக்கள் நாடு முழுவதும் பயணிக்க முடியும் ,  உள்ளூர் பொருளாதாரத்திற்காக மக்கள் பணத்தை செலவு செய்வதன் மூலம் நிச்சயம் நாட்டின் பொருளாதாரம் மேம்படும் .  நியூசிலாந்தின் பொருளாதாரத்திற்கு சுற்றுலா மிக முக்கியமான ஒன்று ,  நாட்டின் மொத்த உள்நாட்டு உற்பத்தியில் 6 சதவீதம் சுற்றுலா மூலம் கிடைக்கிறது . ஆனால் தற்போது கொரோனா காரணமாக நாட்டில் எல்லைகள் மூடப்பட்டுள்ள நிலையில் ,  சுற்றுலாத்தலங்கள் வெறிச்சோடி காணப்படுகின்றன.  இதனால் ஆகஸ்ட் மாதத்திற்குள் நாட்டின் பொருளாதாரம் 20 சதவீதம் வரை வீழ்ச்சி அடையும் என தெரிவிக்கப்பட்டுள்ளது. 

. 

இதை ஈடுகட்டும் வகையில் நாம் உள்நாட்டுச் சுற்றுலாவை ஊக்குவிப்பதே சிறந்த வழியாகும்,  எனவே மக்கள் நான்கு நாள் வேலை மூன்று நாள் விடுமுறை என்ற இந்த திட்டத்தின் மூலம் நாட்டின் பல்வேறு சுற்றுலாத் தலங்களுக்கு பயணிக்கலாம் என கூறியுள்ளார் .  தற்போது இதுகுறித்து தொழிற்சாலை முதலாளிகளிடம் ஆலோசிக்கப்பட்டு வருவதாகவும் அவர் தெரிவித்துள்ளார் ,  நிறுவனத்தின் முதலாளிகளும் இதை செயல்படுத்துவதற்கு வாய்ப்பு இருக்கிறதா என்பது குறித்து யோசிக்க வேண்டும் ,  தங்கள் ஊழியர்களுக்கு வீட்டில் இருந்து வேலை செய்ய ஊக்கப்படுத்துவது போன்ற நடவடிக்கைகளை எடுக்கலாம் என ஜசிந்தா ஆலோசனை தெரிவித்துள்ளார் . 4 நாள்  வேலை 3 நாள் விடுமுறை என்பது பணியாளர்களின் உற்பத்தி திறனை அதிகரிக்கும் ,  சிறந்த மனம் மற்றும் உடல் நலனை வளர்ப்பதற்கு உதவும். இந்த முறையை அமல்படுத்துவதன் மூலம் நிச்சயம் நாட்டின் பொருளாதாரத்தை மீண்டும் கட்டியெழுப்ப முடியும்.  இந்த திட்டத்தின் மூலம் வணிகமும் உயர்வதற்கு அதிக வாய்ப்பு உள்ளது என அவர் விளக்கமளித்துள்ளார்.