3,000 ஆண்டுகள் பழமையான மம்மி! பெரு நாட்டில் திகிலூட்டும் கண்டெடுப்பு!

பெருவின் நடைபெற்ற அகழ்வாராய்ச்சியில் கண்டுபிடிக்கப்பட்ட மம்மி சுமார் 3,000 ஆண்டுகள் பழமையானதாக இருக்கலாம் என்று கூறப்படுகிறது.

பெருவின் லிமாவில் நடைபெற்ற அகழ்வாராய்ச்சியில், தொல்பொருள் ஆராய்ச்சியாளர்கள் சுமார் 3,000 ஆண்டுகள் பழமையானதாக கருதப்படும் ஒரு மம்மியை கண்டுபிடித்துள்ளனர். சான் மார்கோஸ் பல்கலைக்கழகத்தைச் சேர்ந்த மாணவர்கள் அகழ்வாராய்ச்சியின் போது ஒரு பருத்தி மூட்டையில் மண்டை ஓடு மற்றும் முடி துண்டுகளைக் கண்டுபிடித்தனர்.

இந்த மம்மி கிமு 1500 மற்றும் 1000 க்கு இடையில் லிமாவின் பள்ளத்தாக்குகளில் உருவான மஞ்சாய் கலாச்சாரத்தைச் சேர்ந்ததாக இருக்கலாம் என்று தொல்பொருள் ஆராய்ச்சியாளர் மிகுவல் அகுய்லர் கூறியுள்ளார். மேலும் இந்த மம்மி சூரிய உதயத்தை நோக்கி U-வடிவத்தில் கட்டப்பட்ட கோயிலின் கட்டுமானத்துடன் தொடர்புடையது என்றும் அவர் சொல்கிறார்.

மிம்மியாக இருக்கும் நபர் இந்த கோவிலின் கட்டுமானத்தின் கடைசி கட்டத்தில் அங்கு கைவிடப்பட்டிருக்கலாம் அல்லது பலியாக அளிக்கப்பட்டிருக்கலாம் என்றும் சுமார் 3,000 ஆண்டுகள் பழமையானதாக இருக்கலாம் என்றும் அகழ்வாராய்ச்சியாளர்கள் கருதுகின்றனர்.

சோளம், கோகோ இலைகள் மற்றும் விதைகள் உட்பட உடலுடன் புதைக்கப்பட்ட பிற பொருட்களை தொல்பொருளையும் ஆராய்ச்சியாளர்கள் கண்டுபிடித்துள்ளனர். அவை கோயிலில் படைக்கப்பட்டவையாக இருக்கலாம் என்றும் அவர்கள் கணிக்கிறார்கள். அகழ்வாராய்ச்சி நடக்கும் இடத்தில் வரலாற்று எச்சங்களைத் தேடுவதற்கு முன் அந்த இடத்திலிருந்து எட்டு டன் குப்பைகளை அகற்றியதாக மிகுவல் அகுய்லர் கூறியுள்ளார்.

ஸ்பானிய வெற்றியின் ஒரு பகுதியாக அமெரிக்காவிற்குப் பயணித்த ஸ்பானிய வெற்றியாளர்கள் - மக்கள் வருகைக்கு முன்னர் இப்போது பெருவில் உள்ள பல்வேறு கலாச்சாரங்களால் மம்மிஃபிகேஷன் நடைமுறையில் இருந்தது என்று கூறுகிறப்படுகிறது. சில மம்மிகள் புதைக்கப்பட்டன, பல கரு நிலைகளில் உள்ளன, மற்றவை முக்கிய திருவிழாக்களின் போது வெளியே கொண்டு வரப்பட்டு அணிவகுக்கப்பட்டன.