AI's Death prediction | உங்களின் இறப்பு நேரத்தை 78% துல்லியமாக கணிக்கும் AI
By Dinesh TG | First Published Dec 21, 2023, 10:58 AM ISTடென்மார்க்கின் டெக்னிக்கல் யுனிவர்சிட்டியின் பேராசிரியரான சுனே லேமன் உருவாக்கிய புதிய AI கருவியானது, ஒரு நபரின் ஆயுட்காலத்தை 78 சதவீத துல்லியத்துடன் கணிப்பதாகக் கூறுகிறது.
பெரும்பாலா மக்கள் தங்கள் ஆயுட்காலம் பற்றிய தகவல்களை ஆர்வத்துடன் தேடவில்லை என்றாலும், சிலர் முன்கூட்டியே திட்டமிட ஆர்வம் காட்டுகின்றனர். இந்நிலையில், ஒரு புதிய AI கருவி சமூக வலைத்தளங்களில் வைரலாகி வருகிறது. இது ChatGPT ஐப் போன்றது, பயனர்களின் வாழ்க்கையை பகுப்பாய்வு செய்வதையும் அவர்கள் கடந்து செல்லும் நேரத்தைக் கணிப்பதையும் நோக்கமாகக் கொண்டுள்ளது.
இதுதொடர்பாக நியூயார்க் போஸ்ட் அறிக்கையில் குறிப்பிட்டுள்ளதாது, ஒரு நபர் எப்போது மரணமடையக்கூடும் என்பதைக் கணிக்கக் கூறும் ஒரு அற்புதமான AI கருவி கண்டுபிடிக்கப்பட்டுள்ளது. டென்மார்க்கின் தொழில்நுட்பப் பல்கலைக்கழகத்தின் பேராசிரியரான சுனே லெஹ்மானால் உருவாக்கப்பட்டது, "life2vec" என்று பெயரிடப்பட்ட இந்த புதிய வழிமுறையானது, வருமானம், தொழில், குடியிருப்பு மற்றும் சுகாதார வரலாறு போன்ற ஒரு நபரின் வாழ்க்கையின் பல்வேறு அம்சங்களைப் பயன்படுத்துகிறது.
ChatGPT தொழில்நுட்பத்தைப் போல் அல்லாமல், வேலை தேடுதல் அல்லது ஃபேஷன் தேர்வுகளுக்கு உதவும், life2vec வேறுபட்ட அணுகுமுறையை இந்த AI கையாள்கிறது. இது தனிப்பட்ட வாழ்க்கை விவரங்களைக் கணிக்க, மரணம் மட்டுமல்ல, ஆளுமைகள் மற்றும் வேறு நாட்டிற்கு இடம்பெயர்வது போன்ற முடிவுகளையும் முன்னறிவிக்கிறது.
லெஹ்மனின் குழு 2008 மற்றும் 2020 க்கு இடையில் 6 மில்லியன் டேனிஷ் மக்கள் மீது விரிவான ஆராய்ச்சியை மேற்கொண்டது. ஜனவரி 1, 2016க்கு அப்பால் எந்த நபர்கள் குறைந்தபட்சம் நான்கு ஆண்டுகள் வாழ்வார்கள் என்பதைக் கணிக்க life2vec ஐப் பயன்படுத்துகின்றனர். அவர்கள் தனிப்பட்ட வாழ்க்கை நிகழ்வுகளை வரிசையாகக் கட்டமைத்து, வார்த்தைகள் வாக்கியங்களை உருவாக்கும் விதத்துடன் ஒப்பிட்டுப் பார்த்தனர்.
அதன் துல்லிய விகிதம் குறிப்பிடத்தக்கதாக இருந்தது. life2vec 2020 ஆம் ஆண்டளவில் காலமான நபர்களை கிட்டத்தட்ட குறைபாடற்ற முறையில் கணித்து, 75% க்கும் அதிகமான துல்லிய விகிதத்தை எடுத்துக்காட்டியது.
சேனலை கிளிக் செய்து பின்தொடரவும்