Dec 20, 2022, 5:11 PM IST
தளபதி விஜய் நடிப்பில் உருவாகியுள்ள வாரிசு படத்தில் இருந்து ஏற்கனவே வெளியான இரண்டு சிங்கிள் பாடல், ரசிகர்கள் மத்தியில் மிகப்பெரிய வெற்றி பெற்ற நிலையில் தற்போது மூன்றாவது சிங்கிள் பாடல் வெளியாகியுள்ளது.
இயக்குனர் வம்சி பைடிபள்ளி இயக்கத்தில் தளபதி விஜய் தெலுங்கு மற்றும் தமிழ் ஆகிய இரு மொழிகளில் நடித்துள்ள திரைப்படம் 'வாரிசு'. இந்த படத்தின் ரிலீசுக்கு இன்னும் சில தினங்களே எஞ்சியுள்ள நிலையில், படத்தின் புரோமோஷன் பணிகளில் படக்குழு முழு கவனம் செலுத்தி வருகிறது. ரசிகர்களின் மிகப்பெரிய எதிர்பார்ப்புக்கு மத்தியில் உருவாகியுள்ள இந்த படத்தின் மூன்றாவது சிங்கிள் பாடல், இன்று மாலை 5 மணிக்கு வெளியாக உள்ளதாக படக்குழு அறிவித்திருந்த நிலையில் தற்போது வெளியாகி ரசிகர்கள் மத்தியில் வைரலாக பார்க்கப்பட்டு லைக்குகளை குவித்து வருகிறது.
இதற்க்கு முன் 'வாரிசு' படத்தில் இருந்து வெளியான முதல் சிங்கிள் காதல் பாடலாகவும், மாஸ் பாடலாகவும் வெளியான நிலையில், மூன்றாவது பாடல் அம்மா செண்டிமெண்டுடன் வெளியாகி உள்ளது. கே.எஸ்.சித்ரா குரலில் வெளியாகியுள்ள இந்த பாடலுக்கு பாடலாசிரியர் விவேக் எழுதியுள்ளார் என்பது குறிப்பிடத்தக்கது.