லோகேஷ் கனகராஜ்; சினிமாட்டிக் யூனிவெர்ஸில் இணைந்த இசையமைப்பாளர் - வைரல் வீடியோ!

பிரபல இயக்குனர் லோகேஷ் கனகராஜ் அண்மையில் தனது G Squad என்ற தயாரிப்பு நிறுவனத்தை அறிமுகம் செய்தார். மேலும் அந்த தயாரிப்பு நிறுவனத்தின் கீழ் தொடர்ச்சியாக பல படங்களை வழங்கவுள்ளதும் குறிப்பிடத்தக்கது. அந்த வகையில் ஏற்கனவே சிவகார்த்திகேயனின் ரோமியோ மற்றும் கார்த்தியின் சுல்தான் ஆகிய படங்களை இயக்கிய பாக்கியராஜ் கண்ணன் இயக்கத்தில், லோகேஷ் கனகராஜின் கதை மற்றும் அவரது G Squad நிறுவனம் வழங்கும் Benz என்ற படத்தில் நடிக்க ஒப்பந்தமானார் ராகவா லாரன்ஸ்.    

சில தினங்களுக்கு முன்பு ராகவா லாரன்ஸ் தனது பிறந்தநாளை கொண்டாடிய நிலையில், அவரை பென்ஸ் திரைப்படம் மூலமாக தனது சினிமாட்டிக் யூனிவெர்ஸ்க்குள் வரவேற்பதாக அதிகாரப்பூர்வமாக அறிவித்தார் லோகேஷ் கனகராஜ். விக்ரம் 2, கைதி 2 மற்றும் ரோலக்ஸ் ஆகிய படங்களை தொடர்ச்சியாக எடுக்கவுள்ள லோகேஷ் கனகராஜ் அதில் இந்த பென்ஸ் படத்தையும் இணைக்கவுள்ளது குறிப்பிடத்தக்கது.

இந்நிலையில் இண்டிபெண்டண்ட் பாடகராக திகழ்ந்து வரும் சென்னையை சேர்ந்த சாய் அபியங்கர், இந்த பென்ஸ் திரைப்படத்தின் மூலம் இசையமைப்பாளராக தமிழ் திரையுலகில் களமிறங்குகிறார். இது குறித்த அதிகாரப்பூர்வ அறிவிப்பு வெளியாகியுள்ளது.