நவ நாகரீக சரித்திரத்திற்கு அவள் ஆரம்ப புள்ளி..! சமந்தா நடித்துள்ள 'சகுந்தலம்' படத்தின் ட்ரைலர் வெளியானது!

நடிகை சமந்தா விவாகரத்திற்கு பின் நடித்த சரித்திர கதை அம்சம் கொண்ட திரைப்படம் 'சகுந்தலம்'. இந்தப் படத்தில் சமந்தாவுக்கு ஜோடியாக மலையாள நடிகர் தேவ் மோகன் நடித்துள்ளார். நீலிமா குணா தயாரித்துள்ள இந்த படத்தை, இயக்குனர் குணசேகர் இயக்கியுள்ளார். மணி ஷர்மா இசை பணிகளை மேற்கொள்ள, சேகர் பி ஜோசப் இப்படத்திற்கு ஒளிப்பதிவு செய்துள்ளார்.

இதுவரை வரலாற்று கதை அம்சம் கொண்ட படங்களில் நடிக்காமல் இருந்த சமந்தாவின் ஆசை 'சகுந்தலம்' படத்தின் மூலம் நிறைவேறியுள்ளது. இப்படத்தில் 'சகுந்தலா' என்கிற முதன்மை கதாபாத்திரத்தில் சமந்தா நடித்துள்ளார். பான் இந்தியா திரைப்படமாக உருவாக்கியுள்ள இப்படம், தமிழ், தெலுங்கு, மலையாளம், கன்னடம், போன்ற மொழிகளில் உருவாகியுள்ளது.

இப்படத்தின் டீசர் ஏற்கனவே வெளியாகி நல்ல வரவேற்பை பெற்ற நிலையில், இப்படம் அடுத்த மாதம் (பிப்ரவரி 17 ஆம் தேதி) வெளியாக உள்ளது. மயோசிட்டிஸ் பிரச்சனைகளுக்கு நடுவே இந்த படத்தின் பணிகளை கடுமையான சூழ்நிலைகளுக்கு நடுவே சமந்தா நடித்து முடித்து குறிப்பிடத்தக்கது. அண்மையில் சமந்தா நடிப்பில் வெளியான 'யசோதா' திரைப்படம் நல்ல வரவேற்பு பெற்ற நிலையில், இந்த படமும் நல்ல வரவேற்பை பெரும் என எதிர்பார்க்கப்படுகிறது.