ரஜினிகாந்தின் 171வது திரைப்படம் கூலி. இப்படத்தை லோகேஷ் கனகராஜ் இயக்கி உள்ளார். இப்படத்தில் ரஜினியின் மகளாக ஸ்ருதி ஹாசன் நடித்துள்ளார். மேலும் நாகார்ஜுனா, சத்யராஜ் ஆகியோர் முக்கிய கதாபாத்திரத்தில் நடித்துள்ளனர். இப்படத்திற்கு அனிருத் இசையமைத்துள்ளார். சன் பிக்சர்ஸ் தயாரித்துள்ள இப்படத்தின் படப்பிடிப்பு முடிவடைந்துள்ளதை ஒட்டி கூலி படத்தின் மேக்கிங் வீடியோவை வெளியிட்டு உள்ளனர்.

கூலி திரைப்படம் அதிரடி ஆக்‌ஷன் கதையம்சம் கொண்ட படமாக உருவாகி இருப்பது அதன் மேக்கிங் வீடியோ மூலம் தெரிகிறது. இப்படத்தில் ரஜினிகாந்த் ரிஸ்க் எடுத்து பல்வேறு ஆக்‌ஷன் காட்சிகளில் நடித்துள்ளதாக கூறப்படுகிறது. இப்படத்தின் ஷூட்டிங் நிறைவடைந்துள்ளதால் விரைவில் அடுத்தக்கட்ட பணிகளை தொடங்க உள்ளனர். இந்த ஆண்டு தீபாவளி பண்டிகைக்கு கூலி படத்தை திரைக்கு கொண்டு வர உள்ளனர்.

கூலி திரைப்படத்தை முடித்த கையோடு நடிகர் ரஜினிகாந்த் தற்போது ஜெயிலர் 2 படத்தில் நடித்து வருகிறார். இப்படத்தை நெல்சன் இயக்குகிறார். இப்படத்தையும் சன் பிக்சர்ஸ் நிறுவனம் தான் தயாரித்து உள்ளது. இப்படத்தின் படப்பிடிப்பு விறுவிறுப்பாக நடைபெற்று வருகிறது. இப்படத்தை பிரம்மாண்ட பட்ஜெட்டில் தயாரித்து வருகின்றனர். இது ரஜினிகாந்தின் 172வது படம் என்பது குறிப்பிடத்தக்கது.