Video : கூலி படக்குழுவுடன் ஜாலியாக பிறந்தநாள் கொண்டாடிய லோகேஷ் கனகராஜ்!

Lokesh Kanagaraj Birthday : கோலிவுட்டில் டிரெண்டிங் இயக்குனராக வலம் வருபவர் லோகேஷ் கனகராஜ். மாநகரம் படத்தில் தொடங்கிய இவரது பயணம் குறுகிய காலகட்டத்திலேயே விஜய், ரஜினி, கமல் என ஜாம்பவான் நடிகர்களின் படங்களை இயக்கி அசுர வளர்ச்சி கண்டிருக்கிறார். இவர் இன்று தனது பிறந்தநாளை கூலி படக்குழுவினருடன் கொண்டாடி இருக்கிறார். அப்போது எடுக்கப்பட்ட வீடியோ வைரலாகி வருகிறது.

லோகேஷ் கனகராஜ் இயக்கத்தில் தற்போது கூலி திரைப்படம் தயாராகி வருகிறது. இப்படத்தில் ரஜினிகாந்த் ஹீரோவாக நடிக்கிறார். இப்படத்தின் படப்பிடிப்பு முடிந்து இறுதிக்கட்ட பணிகள் நடைபெற்று வருகிறது. கூலி திரைப்படம் வருகிற ஆகஸ்ட் மாதம் திரைக்கு வர உள்ளது. இப்படத்தை சன் பிக்சர்ஸ் நிறுவனம் தயாரித்துள்ளது. இப்படத்திற்கு அனிருத் தான் இசையமைக்கிறார். இப்படம் 1000 கோடி வசூலிக்கும் என எதிர்பார்க்கப்படுகிறது.

கூலி திரைப்படத்தில் ரஜினிகாந்த் உடன் ஸ்ருதிஹாசன், நாகார்ஜுனா, உபேந்திரா, சத்யராஜ் என மிகப்பெரிய நட்சத்திர பட்டாளமே நடித்துள்ளது. இப்படத்தின் ஷூட்டிங் அண்மையில் நிறைவடைந்த நிலையில், இயக்குனர் லோகேஷ் கனகராஜ், இன்று தனது பிறந்தநாளை கூலி படக்குழுவினருடன் கேக் வெட்டி கொண்டாடி இருக்கிறார். அப்போது சாண்டி உள்ளிட்டோர் உடன் இருந்தனர். அதன் வீடியோ தான் இது.