தொகுப்பாளர், சீரியல் நடிகர், ரேடியோ ஜாக்கி என பன்முக திறமையாளராக இருக்கும் விக்னேஷ் கார்த்திக், திட்டம் இரண்டு, அடியே, ஆகிய படங்களை தொடர்ந்து இயக்கியுள்ள திரைப்படமே ஹாட் ஸ்பாட். நடிகர் கலையரசன், சோபியா, சாண்டி, அம்மு அபிராமி, ஜனனி, சுபாஷ், கௌரி கிஷன், ஆதித்யா பாஸ்கர் உள்ளிட்ட பலர் நடித்துள்ளனர்.

96 படத்திற்கு பின்னர் மீண்டும் கௌரி கிஷன் மற்றும் ஆதித்யா இணைந்து நடித்துள்ளனர். இப்படத்தின் ட்ரைலர் வெளியாகி, மிகப்பெரிய சர்ச்சையை ஏற்படுத்திய நிலையில், இன்று படம் வெளியாகி நல்ல வரவேற்பை பெற்று வருகிறது. இப்படத்தின் மீதான எதிர்பார்ப்பை அதிகரிக்கும் விதத்தில், தற்போது இப்படத்தில் இருந்து, வெளியாகியுள்ள ஸ்னீக் பீக் பல நெட்டிசன்களை மிரளவைத்துள்ளது. தாறுமாறாக கமெண்ட் போட்டு வருகிறார்கள்.