தளபதி விஜயை அப்படியே பாலோ பண்ண ஜான்வி கபூர் - எந்த விஷயத்தில் தெரியுமா? வைரல் வீடியோ!

பிரபல நடிகை ஸ்ரீதேவியின் மகள் தான் ஜான்வி கபூர், கடந்த 2018ம் ஆண்டு முதல் இவர் திரைத்துறையில் பயணித்து வருகிறார். பாலிவுட் உலகில் பல முன்னணி ஹீரோக்களுடன் பல திரைப்படங்களில் தொடர்ச்சியாக நடித்து வந்த ஜான்வி கபூர், தற்போது முதல் முறையாக தென்னக சினிமாவில் களமிறங்கியுள்ளார். 

பிரபல நடிகர் ஜூனியர் என்டிஆர் நடிப்பில் உருவாகி வரும் "தேவாரா" திரைப்படத்தில் அவர் நாயகியாக நடித்து வருகிறார். ஏற்கனவே இந்த திரைப்படத்திலிருந்து வெளியான ஒரு சில பாடல்கள் மக்கள் மத்தியில் நல்ல வரவேற்பை பெற்றிருக்கிறது. இந்த திரைப்படத்திற்கு பிரபல இசையமைப்பாளர் அனிருத் இசையமைத்து வருவது குறிப்பிடத்தக்கது. 

இந்த சூழலில் அண்மையில் பிரபல நடிகர் தளபதி விஜய் வாங்கியிருந்த அதே லெக்சஸ் ரக சொகுசு காரை தற்பொழுது ஜான்வி கபூர் வாங்கி அசத்தியுள்ளார். அதன் விலை சுமார் இரண்டு கோடி ரூபாய் என்று கூறப்படுகிறது. தளபதி விஜய் பல வருடங்களாக பயன்படுத்தி வந்த தனது ரோல்ஸ் ராய்ஸ் காரை அண்மையில் விற்பனை செய்தார். 

இந்நிலையில் அவர் புதிதாக என்ன கார் வாங்கப் போகிறார் என்று பலரும் எதிர்பார்த்து வந்த நிலையில், தனது அரசியல் பயணங்களுக்கு மிகவும் ஏற்றவாறு ஒரு சொகுசு காரை அவர் அண்மையில் வாங்கினார். அது பிரபல லெக்சஸ் நிறுவனத்தின் எல்எம் என்ற மாடல் காராகும். சென்னையில் அதன் ஆன் ரோடு மதிப்பு சுமார் 2.58 கோடி ரூபாய். இந்நிலையில் பிரபல பாலிவுட் நடிகை ஜான்வி கபூரும் அதே Lexus சொகுசு காரை வாங்கி அசத்தியிருக்கிறார். அந்த வீடியோ இப்பொழுது இணையத்தில் வைரலாகி வருகிறது.