Sep 1, 2024, 7:43 PM IST
மகாராஷ்டிராவில் பிறந்து வளர்ந்த நடிகை தான் ஹன்சிகா மோத்வானி. கடந்த 1991ம் ஆண்டு பிறந்த இவருக்கு வயது 33. தனது பத்தாவது வயது முதல் இவர் கலைத்துறையில் பயணித்து வருகிறார் என்பது குறிப்பிடத்தக்கது. கடந்த 2001ம் ஆண்டு வெளியாகி சிறுவர்கள் மத்தியில் மிகப்பெரிய வரவேற்பு பெற்ற "சகலக்க பூம் பூம்" என்கின்ற நாடகத்தில் நடித்து இவர் தனது கலை பயணத்தை தொடங்கினார்.
குழந்தை நட்சத்திரமாகவே பல திரைப்படங்களில் நடித்துள்ள ஹன்சிகா, தனது பதினைந்தாவது வயதில் தெலுங்கு திரை உலகி நாயகியாக அறிமுகமானார். தொடர்ச்சியாக தமிழ், ஹிந்தி, தெலுங்கு மற்றும் கன்னடம் உள்ளிட்ட மொழிகளில் நடித்து வரும் அவர், தமிழில் இப்போது 3க்கும் மேற்பட்ட படங்களில் நடித்து வருகிறார்.
கடந்த 2022ம் ஆண்டு Sohali khaturiya என்பவரை திருமணம் செய்து கொண்டு மகிழ்ச்சியாக வாழ்ந்து வருகிறார். இந்நிலையில் தனது குடும்பத்தாருடன் இணைந்து திருப்பதி கோவிலில் சாமி தரிசனம் செய்து திரும்பிய ஹன்சிகாவின் வீடியோ இப்போது வைரலாகி வருகிறது. ஆனால் இந்த ஆன்மீக பயணத்தில் அவர் கணவர் கலந்துகொண்டதாக தெரியவில்லை.