ஏசி வாங்கப் போறீங்களா? கொஞ்சம் நில்லுங்க! இந்தியாவிலேயே முதன்முறையாக காற்றைச் சுத்தப்படுத்தும் 'மேஜிக்' ஏசி வந்தாச்சு!

SHARP India இந்தியாவின் முதல் ஏர் பியூரிஃபையர் விண்டோ ஏசியை ஷார்ப் அறிமுகம் செய்துள்ளது. விலை மற்றும் சிறப்பம்சங்கள் இதோ! முதல்முறையாக ஏர் பியூரிஃபையர் வசதி கொண்ட விண்டோ ஏசி!

கோடை காலம் தொடங்கிவிட்டாலே இந்தியர்களுக்கு ஏசி வாங்குவதுதான் முதல் வேலையாக இருக்கும். ஆனால், தற்போது நிலவும் காற்று மாசுபாட்டைக் கருத்தில்கொண்டு, குளிர்ச்சியுடன் சுத்தமான காற்றையும் வழங்கும் வகையில் ஜப்பானின் பிரபல 'ஷார்ப்' (SHARP) நிறுவனம் புதிய விண்டோ ஏசி தொடரை அறிமுகம் செய்துள்ளது. இதில் பிளாஸ்மாகிளஸ்டர் (Plasmacluster) தொழில்நுட்பம் பயன்படுத்தப்பட்டுள்ளது என்பது குறிப்பிடத்தக்கது.

இந்த புதிய சீரிஸில் 'Ryohu' (Inverter) மற்றும் 'Ryohu-FS' (Fixed-speed) என இரண்டு வகைகள் உள்ளன. இது வெறும் ஏசி மட்டுமல்ல, உங்கள் அறையில் உள்ள பாக்டீரியா, வைரஸ் மற்றும் ஒவ்வாமைகளை நீக்கும் ஒரு ஏர் பியூரிஃபையராகவும் செயல்படும்.

52 டிகிரி வெயிலிலும் அசத்தலான குளிர்ச்சி!

இந்தியாவின் கடும் வெப்பத்தைத் தாங்கும் வகையில் இந்த ஏசிக்கள் வடிவமைக்கப்பட்டுள்ளன. 52 டிகிரி செல்சியஸ் வெப்பநிலை நிலவும் போதும், இது அறையைத் தடையின்றி குளிர்விக்கும் திறன் கொண்டது. இதில் உள்ள 'Turbo Mode' மூலம் மிக விரைவாக அறையை குளிர்விக்க முடியும். மேலும், 'Coanda Airflow' வசதி இருப்பதால், குளிர்ந்த காற்று அறையின் அனைத்து மூலைகளுக்கும் சமமாகப் பரவும்.

இதில் 100 சதவீதம் செம்பு (Copper) கண்டன்சர்கள் பயன்படுத்தப்பட்டுள்ளன. இவை துருப்பிடிக்காமல் இருக்க சிறப்புப் பூச்சு பூசப்பட்டுள்ளது. மின்சாரம் துண்டிக்கப்பட்டு மீண்டும் வரும்போது, நீங்கள் முன்பு வைத்திருந்த அதே செட்டிங்ஸில் ஏசி இயங்கும் 'Auto-Restart' வசதியும் இதில் உண்டு.

மின்சாரக் கட்டணத்தைக் குறைக்கும் 4-இன்-1 கன்வெர்டிபிள் மோடு

ஷார்ப் நிறுவனத்தின் இன்வெர்ட்டர் மாடல்கள் 3-ஸ்டார் மற்றும் 5-ஸ்டார் மதிப்பீடுகளில் கிடைக்கின்றன. இதில் உள்ள '4-in-1 Convertible Mode' மூலம் உங்கள் தேவைக்கு ஏற்ப குளிர்ச்சியின் அளவைக் கட்டுப்படுத்தி, மின்சாரக் கட்டணத்தை மிச்சப்படுத்தலாம். ரிமோட் மூலம் இயக்கும்போதே 4 வழிகளிலும் காற்றைத் திருப்பும் '4-way auto swing' வசதி இதில் உள்ளது.

பிக்ஸட் ஸ்பீடு மாடல்கள் (Ryohu-FS) 1.41 முதல் 1.70 டன் வரை கிடைக்கின்றன. இவை சுமார் 18 மீட்டர் தொலைவு வரை காற்றை வீசும் (Air Throw) திறன் கொண்டவை. எனவே பெரிய அறைகளுக்கும் இது மிகச் சிறந்த தேர்வாக இருக்கும்.

விலை மற்றும் உத்தரவாதம் (Warranty)

ஷார்ப் விண்டோ ஏசிகளின் விலை ரூ.34,490-ல் இருந்து தொடங்குகிறது. இன்வெர்ட்டர் மாடல்கள் ரூ.39,990-ல் இருந்து விற்பனைக்கு வருகின்றன. அனைத்து மாடல்களுக்கும் 5 ஆண்டுகள் முழுமையான வாரண்டி வழங்கப்படுகிறது. குறிப்பாக இன்வெர்ட்டர் சீரிஸ் மாடல்களின் கம்ப்ரஸருக்கு 10 ஆண்டுகள் வாரண்டி உண்டு. இந்த ஏசிக்கள் ஆன்லைன் மற்றும் ஆஃப்லைன் கடைகளில் தற்போது விற்பனைக்குக் கிடைக்கின்றன.