10 மாதங்களில் 3 லட்சத்திற்கும் அதிகமான 5ஜி தளங்கள்.. அமைச்சர் அஸ்வினி வைஷ்ணவ் தகவல் - பிரதமர் மோடி பாராட்டு

சேவை தொடங்கப்பட்ட 10 மாதங்களில் 3 லட்சத்திற்கும் அதிகமான 5ஜி தளங்கள் நிறுவப்பட்டுள்ளன என்று தகவல் தொழில்நுட்ப அமைச்சர் அஸ்வினி வைஷ்ணவ் தெரிவித்துள்ளார்.

தொலைத்தொடர்பு ஆபரேட்டர்கள் 5ஜி மொபைல் தளங்களை அறிமுகப்படுத்திய 10 மாதங்களுக்குள் 3 லட்சத்திற்கும் அதிகமான தளங்களை நிறுவியுள்ளதாக மத்திய தொலைத்தொடர்பு அமைச்சர் அஸ்வினி வைஷ்ணவ் தெரிவித்தார். 714 மாவட்டங்களில் 5ஜி தளங்கள் நிறுவப்பட்டுள்ளன.

பிரதமர் நரேந்திர மோடி இதுகுறித்து ட்விட்டரில் பதிவிட்டுள்ளார். "உலகின் அதிவேக 5G வெளியீடு தொடர்கிறது. 714 மாவட்டங்களில் 3 லட்சத்திற்கும் அதிகமான 5G தளங்கள் நிறுவப்பட்டுள்ளன" என்று அமைச்சர் அஸ்வினி வைஷ்ணவ் கூறினார்.

ரிலையன்ஸ் ஜியோ மற்றும் பார்தி ஏர்டெல் மட்டுமே நாட்டில் 5ஜி சேவைகளை வெளியிடும் தொலைத்தொடர்பு ஆபரேட்டர்கள் ஆகும். கடந்த ஆண்டு அக்டோபர் 1 ஆம் தேதி 5ஜி சேவை தொடங்கப்பட்ட 10 மாதங்களுக்குள் 3 லட்சத்திற்கும் அதிகமான தளங்கள் நிறுவப்பட்டுள்ளதாக அமைச்சர் அஸ்வினி வைஷ்ணவ் பகிர்ந்துள்ள டேட்டா காட்டுகிறது.

அதிகாரப்பூர்வ தரவுகளின்படி, சேவை தொடங்கப்பட்ட ஐந்து மாதங்களுக்குள் 1 லட்சம் தளங்களும், எட்டு மாதங்களுக்குள் 2 லட்சம் தளங்களும் நிறுவப்பட்டுள்ளன.