பிளிப்கார்ட் வாடிக்கையாளர்களுக்கு குட் நியூஸ்! மைனாரிட்டி பங்குகளை வாங்கும் கூகுள்!
சுருக்கம்
கூகுள் முதலீடு செய்ய முன்மொழிந்த தொகையையோ அல்லது அதன் மூலம் பிளிப்கார்ட் நிறுவனம் திரட்டும் நிதியின் விவரங்களையோ வெளியிடவில்லை.
ஈ-காமர்ஸ் நிறுவனமான பிளிப்கார்ட்டில் மைனாரிட்டி பங்குகளை வாங்கி முதலீடு செய்ய கூகுள் நிறுவனம் மொழிந்துள்ளது. இதையே பிளிப்கார்ட்டின் தாய் நிறுவனமான வால்மார்ட் குழுமமும் அறிவித்துள்ளது.
பிளிப்கார்ட் நிறுவனத்தில் பெரும்பான்மை பங்குகளை வைத்திருக்கும் உரிமையாளரான வால்மார்ட் தலைமையில் நடக்கும் பிளிப்கார்ட்டின் தற்போதைய நிதிச் சுற்றின் ஒரு பகுதியாக இந்த முதலீடு இருக்கும். கூகுள் முதலீடு செய்ய முன்மொழிந்த தொகையையோ அல்லது அதன் மூலம் பிளிப்கார்ட் நிறுவனம் திரட்டும் நிதியின் விவரங்களையோ வெளியிடவில்லை.
இந்த அறிவிப்பு கிளவுட் தொழில்நுட்பத்தில் இரு நிறுவனங்களுக்கிடையிலான ஒத்துழைப்பை எடுத்துக்காட்டுகிறது. ஆனால் பிளிப்கார்ட் விரும்பும் முதலீட்டுத் தொகை அல்லது மொத்த நிதியை வெளியிடவில்லை. கூகுளின் முதலீடு கிடைத்தால் தனது வணிக வளர்ச்சியை அதிகரிக்கவும் டிஜிட்டல் உள்கட்டமைப்பை மேம்படுத்தவும் பயனளிக்கும் என்று பிளிப்கார்ட் எதிர்பார்க்கிறது.
"வால்மார்ட் தலைமையிலான சமீபத்திய நிதிச் சுற்றின் ஒரு பகுதியாக, இரு தரப்பினரின் ஒழுங்குமுறை மற்றும் பிற வழக்கமான ஒப்புதலுக்கு உட்பட்டு, மைனாரிட்டி முதலீட்டாளராக கூகுளைச் சேர்ப்பதாக பிளிப்கார்ட் இன்று அறிவித்தது" என்று பிளிப்கார்ட்டின் அறிக்கை கூறுகிறது.
"கூகுளின் முதலீடு மற்றும் கிளவுட் தொழில்நுட்பத்தில் கூகுளின் ஒத்துழைப்பு பிளிப்கார்ட் வணிகத்தை விரிவுபடுத்தவும், நாடு முழுவதும் உள்ள வாடிக்கையாளர்களுக்கு சிறப்பான சேவையை அளிக்கும் விதமாக டிஜிட்டல் உள்கட்டமைப்பை நவீனமயமாக்கவும் உதவும்" என்றும் தெரிவித்துள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.