கூகுளை வீழ்த்த Apple போடும் மாஸ்டர் பிளான்! Siri-ஐ ChatGPT போல் மாற்றும் Apple... 'Linwood' பெயரில் மாபெரும் AI புரட்சி!

Apple கூகுள் Gemini-க்கு சவால் விட, Apple தனது Siri-ஐ ChatGPT போன்ற AI மூலம் மாற்றுகிறது. சிக்கலான கேள்விகளுக்கு பதிலளிக்கும் இந்த புதிய Siri iPhone 18 உடன் வரலாம்.

கூகுளின் Gemini AI-க்கு நேரடியாகப் போட்டியாகக் களமிறங்க அமெரிக்க டெக் நிறுவனமான Apple தனது வாய்ஸ் அசிஸ்டன்ட்டான Siri-ஐ முழுமையாக மாற்றியமைக்கத் தயாராகி வருகிறது. தற்போது பல AI அம்சங்களுக்கு OpenAI-இன் ChatGPT-ஐ சார்ந்திருக்கும் Apple, இப்போது தனது சொந்த, ChatGPT பாணியிலான புதிய AI அமைப்பை iPhone-களில் நேரடியாகக் கொண்டு வர தீவிரமாக வேலை செய்கிறது. இது Google Gemini-ஐ விட தரத்தில் சற்றும் குறையாத ஒரு தீர்வாக இருக்கும் என எதிர்பார்க்கப்படுகிறது.

ரகசிய குறியீட்டு பெயர்கள்: Veritas மற்றும் Linwood

ஐபோன் 18-இல் அறிமுகமா?

சமீபத்திய அறிக்கையின்படி, சிக்கலான, நிஜ உலக உரையாடல்களைக் கையாள வடிவமைக்கப்பட்ட இந்த புதிய AI பொருத்தப்பட்ட Siri, அடுத்த ஆண்டு வெளியாக இருக்கும் iPhone 18 சீரிஸில் அறிமுகமாகலாம். இந்த AI கருவிக்கு Apple நிறுவனம் உள்ரீதியாக "Veritas" (லத்தீனில் "உண்மை" என்று பொருள்) என்று குறியீட்டுப் பெயரிட்டுள்ளதாக ஒரு Bloomberg அறிக்கை கூறுகிறது. எனினும், இந்த ஆரம்பப் பதிப்பு உள் பயன்பாட்டிற்கு மட்டுமே வெளியிடப்படும் என்றும் அந்த அறிக்கை சுட்டிக்காட்டுகிறது.

Siri-இன் புதிய திறன்: பலதரப்பட்ட உரையாடல்கள்

தொடர் கேள்விகளைக் கையாளும் வசதி

Apple-இன் AI பிரிவின் தற்போதைய நோக்கம் Siri-ஐ மிக அதிக அளவில் மேம்படுத்துவதே ஆகும். இந்த புதிய AI சாட்பாட், Google Gemini மற்றும் ChatGPT போன்ற தற்போதுள்ள Generative AI கருவிகளைப் போலவே செயல்படும் என்று எதிர்பார்க்கப்படுகிறது. அதாவது, இது ஒரே நேரத்தில் பல உரையாடல்களை நிர்வகிப்பது, தொடர் கேள்விகளைக் கையாள்வது மற்றும் பல பணிகளைச் செய்யும் திறன் கொண்டது. தற்போது, Apple இன்ஜினியர்கள் இந்த அமைப்பை "Linwood" என்ற குறியீட்டுப் பெயரில் சோதனை செய்து, அதன் மறுமொழி உத்திகளைச் செம்மைப்படுத்த கருத்துக்களை வழங்கி வருகின்றனர்.

WWDC 2026-இல் பிரம்மாண்ட வெளியீடு? 

மூன்றாம் தரப்பு LLM-ஐ நம்பவில்லை

இந்த மேம்படுத்தப்பட்ட Siri, Apple-இன் சொந்த Large Language Model (LLM)-ஐப் பயன்படுத்தும் என்றும், ChatGPT அல்லது வேறு எந்த மூன்றாம் தரப்பு LLM-ஐயும் சார்ந்து இருக்காது என்றும் கூறப்படுகிறது. Apple தனது புதிய AI-ஐ அடுத்த ஆண்டு அறிமுகப்படுத்தலாம் என்றும், மே மாதத்தில் நடைபெறும் WWDC நிகழ்வில் இதைப் பற்றி அறிவிக்கலாம் என்றும், அதைத் தொடர்ந்து பொது வெளியீடு இருக்கும் என்றும் அந்த அறிக்கை தெரிவிக்கிறது. Apple கடந்த ஆண்டு iOS 18-உடன் Siri-இன் அடுத்த தலைமுறை அம்சங்களை ஏற்கனவே வெளியிட்டிருந்தாலும், வரவிருக்கும் இந்த AI பதிப்பு அதையும் விட மிகவும் மேம்பட்டதாக இருக்கும் என்று எதிர்பார்க்கப்படுகிறது.