தவறு செய்யாத ஏஐ தயார்! 65% அதிக துல்லியத்துடன் களமிறங்கிய Grok 4.2 Beta - எப்படி பயன்படுத்துவது?

Elon Musk எலான் மஸ்க்கின் xAI நிறுவனம் Grok 4.2 Beta-வை வெளியிட்டுள்ளது. 4 ஏஜெண்டுகள் கொண்ட இதன் அதிரடி அம்சங்களை இங்கே தெரிந்துகொள்ளுங்கள்.எப்படி பயன்படுத்துவது?

தொழில்நுட்ப உலகின் 'சூப்பர் ஸ்டார்' எலான் மஸ்க், தனது xAI நிறுவனத்தின் மூலம் மீண்டும் ஒரு புரட்சியை ஏற்படுத்தியுள்ளார். அண்மையில் அவர் வெளியிட்டுள்ள Grok 4.2 Beta, செயற்கை நுண்ணறிவு (AI) துறையில் ஒரு மிகப்பெரிய மைல்கல்லாகப் பார்க்கப்படுகிறது. வழக்கமான சாட்பாட்களைப் போலல்லாமல், இது "ரேபிட் லேர்னிங்" (Rapid Learning) எனப்படும் அதிவேக கற்றல் திறனுடன் களமிறங்கியுள்ளது.

நான்கு ஏஜெண்டுகளின் கூட்டணி!

Grok 4.20-ன் மிக முக்கியமான அம்சம் அதன் 'Multi-Agent Collaboration' சிஸ்டம் ஆகும். இதில் Grok, Harper, Benjamin, மற்றும் Lucas என நான்கு சிறப்பு ஏஜெண்டுகள் இணைந்து செயல்படுகின்றனர். ஒரு சிக்கலான கேள்வியைக் கேட்கும்போது, இந்த நான்கு ஏஜெண்டுகளும் தனித்தனியாக ஆராய்ந்து, ஒருவருக்கொருவர் தகவல்களைச் சரிபார்த்து, மிகவும் துல்லியமான பதிலை வழங்குகின்றன. இது மற்ற AI-களில் காணப்படும் தவறான தகவல்களை (Hallucinations) 65% வரை குறைப்பதாக xAI நிறுவனம் அறிவித்துள்ளது.

மருத்துவம் மற்றும் பொறியியலில் புதிய மைல்கல்

வெறும் அரட்டைக்கு மட்டுமல்லாமல், தொழில்முறை ரீதியான பயன்பாட்டிற்கும் Grok 4.20 தயாராகிவிட்டது. எலான் மஸ்க் தனது ட்விட்டர் (X) பதிவில், "உங்கள் மருத்துவத் தரவுகளை (Medical Data) புகைப்படம் எடுத்தோ அல்லது கோப்பாகவோ (File) பதிவேற்றி Grok-யிடம் இரண்டாவது கருத்தைக் (Second Opinion) கேட்கலாம்" என்று குறிப்பிட்டுள்ளார். அதேபோல், கடினமான பொறியியல் கேள்விகளுக்கும் இது துல்லியமான பதில்களை வழங்கத் தொடங்கியுள்ளது.

அதிவேக கற்றலும் வாராந்திர அப்டேட்களும்

முந்தைய பதிப்புகளை விட இது 10 மடங்கு வேகமானது மற்றும் புத்திசாலித்தனமானது என்று கூறப்படுகிறது. இந்த பீட்டா பதிப்பின் சிறப்பு என்னவென்றால், இது பயனர்களின் கருத்துகளின் அடிப்படையில் ஒவ்வொரு வாரமும் தன்னைத்தானே மேம்படுத்திக் கொள்ளும். இதற்கென 'Rapid Learning' ஆர்க்கிடெக்சர் பயன்படுத்தப்பட்டுள்ளது. இதன் மூலம் வாரந்தோறும் புதிய அம்சங்கள் மற்றும் பிழை திருத்தங்கள் (Bug fixes) பயனர்களுக்குக் கிடைக்கும்.

X தளத்தின் நேரடித் தரவுகள்

மற்ற AI மாடல்களை விட Grok-க்கு இருக்கும் ஒரு பெரும் பலம், 'X' (முன்னாள் ட்விட்டர்) தளத்தின் நேரடித் தரவுகளை (Real-time data) அணுகும் திறன் ஆகும். உலகெங்கிலும் நடக்கும் நிகழ்வுகளை உடனுக்குடன் தெரிந்துகொண்டு, மிகச் சமீபத்திய தகவல்களைப் பயனர்களுக்கு வழங்க இது உதவுகிறது. குறிப்பாக பங்குச்சந்தை மற்றும் டிரெண்டிங் செய்திகளை ஆராய்வதில் இது கில்லி!

பயன்படுத்துவது எப்படி?

X Premium+ சந்தாதாரர்கள் இப்போது இந்த Grok 4.20 Beta-வை நேரடியாகப் பயன்படுத்தலாம். சாட்பாட் மெனுவிற்குச் சென்று "Grok 4.20 Beta" என்பதைத் தேர்வு செய்வதன் மூலம் இந்த நான்கு ஏஜெண்டுகள் கொண்ட அதிநவீன தொழில்நுட்பத்தை நீங்கள் அனுபவிக்க முடியும்.