பிஎஸ்என்எல் பேன்சி நம்பர் விற்பனை ஆரம்பம்! ஒரு நம்பருக்கு விலை எவ்வளவு தெரியுமா?

பிஎஸ்என்எல் தமிழ்நாட்டில் ஃபேன்சி எண்களை இன்று முதல் மின்-ஏலம் விடுகிறது. eauction.bsnl.co.in வழியாக ரூ.2,000 முதல் ரூ.50,000 வரை 20 பிரீமியம் எண்களை ஏலத்தில் பெறலாம். பதிவுக் கட்டணம் திரும்பப்பெறும். அதிக ஏலம் கொடுப்பவருக்கு எண் ஒதுக்கப்படும்.

பொதுத்துறை தொலைத்தொடர்பு நிறுவனமான பிஎஸ்என்எல் (BSNL) தமிழ்நாடு வட்டத்திற்குள் பயன்படுத்துவதற்கான ஃபேன்சி எண்களை இன்று முதல் விற்பனை செய்கிறது. பிஎஸ்என்எல் நிறுவனத்தின் மின்-ஏலத்துக்கான இணையதளத்தின் வழியாக இந்த எண்களை வாங்க முடியும்.

பிஎஸ்என்எல் தமிழ்நாடு வட்டத்தில் இந்த பிரீமியம் ஃபேன்சி நம்பர்கள் கிடைக்கும். 20 பேன்சி எண்களையும் அவற்றின் விலையையும் பிஎஸ்என்எல் தனது ஏல வலைத்தளத்தில் பதிவிட்டுள்ளது. இந்த எண்களை ஏலம் மூலம் வாங்கிக்கொள்ளலாம். எண்களின் விலை குறைந்தபட்சம் ரூ. 2000 முதல் ஆரம்பமாகிறது. அதிகபட்சமாக ரூ. 50,000 வரை ஃபேன்சி எண்கள் விற்பனைக்கு உள்ளன.

20 பிரீமியம் ஃபேன்சி எண்களும் அவற்றின் விலையும்:

பிஎஸ்என்எல் ஃபேன்சி நம்பர்	ஆரம்ப விலை
9482194822	ரூ.2,000
8762060000	ரூ.3,000
9483993849	ரூ.3,000
8277111999	ரூ.4,000
9481020304	ரூ.5,000
9483070707	ரூ.5,000
9481801008	ரூ.5,000
9483118311	ரூ.5,000
9480301111	ரூ.7,000
8762812345	ரூ.7,000
8277234567	ரூ.10,000
8762762762	ரூ.10,000
8277582775	ரூ.10,000
8277200000	ரூ.13,000
8277155555	ரூ.15,000
8277444444	ரூ.20,000
8277511111	ரூ.20,000
8277111111	ரூ.22,000
8277177777	ரூ.25,000
8277199999	ரூ.50,000

பிஎஸ்என்எல் (BSNL) ஃபேன்சி நம்பர்களை வாங்குவது எப்படி?

eauction.bsnl.co.in என்ற அதிகாரபூர்வ வலைத்தளத்தில் கணக்கு தொடங்கி, விருப்பனமான நம்பரை தேர்வு செய்து பதிவு கட்டணத்தைத் செலுத்த வேண்டும். பதிவுக் கட்டணத்தை பின்னர் திரும்பப்பெறலாம். தேர்வு செய்த எண்ணுக்கு குறைந்தபட்ச ஏலத்தொகையையும் குறிப்பிட வேண்டும். அதிக தொகை கொடுப்பவருக்கு அந்த எண் கிடைக்கும். ஏலத்தில் வாங்கிய நபருக்கு சில நாட்களில் அந்த எண் வழங்கப்படும்.