ஐபோன் 17 தொடரின் விலை, அம்சங்கள், விவரங்கள் இணையத்தில் லீக்.. முழு விபரம்

ஐபோன் 17 தொடர் இன்று வெளியாகிறது. பேட்டரி திறன் அதிகரிப்பு, மேம்படுத்தப்பட்ட கேமரா, புதிய வடிவமைப்பு உள்ளிட்ட அம்சங்கள் இடம்பெற்றுள்ளன. ப்ரோ மேக்ஸ் மாடலில் குறிப்பிடத்தக்க மேம்பாடுகள் செய்யப்பட்டுள்ளன.

ஆப்பிள் ரசிகர்கள் பல மாதங்களாக எதிர்பார்த்து காத்திருந்த ஐபோன் 17 தொடர் இன்று (செப்டம்பர் 9) அதிகாரப்பூர்வமாக வெளியாகிறது. இதில் ஐபோன் 17, ஐபோன் 17 ப்ரோ, ஐபோன் 17 ஏர், ப்ரோ மேக்ஸ் ஆகிய மாடல்கள் இடம்பெற்றுள்ளன. கசிந்த தகவல்களின் படி, இந்த முறை ஆப்பிள் வடிவமைப்பு, பேட்டரி, ஹார்டுவேர் அனைத்திலும் குறிப்பிடத்தக்க மாற்றங்களைச் செய்துள்ளது.

பேட்டரி குறித்து பெரிய அப்டேட்

ஐபோன் பயனர்கள் எப்போதும் பேட்டரி பற்றிச் சொல்வார்கள். இந்த முறை அந்த குறையை சரி செய்யும் வகையில் ஆப்பிள் பேட்டரி திறன் அதிகரித்துள்ளது. ஆண்ட்ராய்டு போன்களில் 5000–7000mAh பேட்டரி கிடைத்தாலும், iOS இன் சக்திவாய்ந்த சாஃப்ட்வேர் காரணமாக, சிறிய பேட்டரியுடன் கூட ஐபோன் சிறந்தது செயல்திறன் தருகிறது. ஆனால், இப்போது புதிய மாடல்களில் அதிக பேட்டரி காப்பு கிடைக்கும் என்று எதிர்பார்க்கப்படுகிறது.

மாடலுக்கு ஏற்ப பேட்டரி வேரியண்ட்

கசிந்த தகவல்களின் படி, ஐபோன் 17 ஏர் சிம் மாடலில் 3,036mAh, eSIM மாடலில் 3,149mAh பேட்டரி இருக்கலாம். ஐபோன் 17 ப்ரோ சிம் மாடலில் 3,988mAh, eSIM மாடலில் 4,252mAh பேட்டரி உள்ளது. அதிக கவனம் பெற்றிருக்கும் ஐபோன் 17 ப்ரோ மேக்ஸ் மாடலில் eSIM வகைக்கு 5000mAh, சிம் வகைக்கு 4,823mAh பேட்டரி கிடைக்கும்.

ப்ரோ மேக்ஸ் மாடலின் முக்கிய அம்சங்கள்

இந்த முறை ப்ரோ மேக்ஸ் மிகப்பெரிய மேம்பாட்டுடன் வருகிறது. 6.9-இஞ்ச் சூப்பர் ரெடினா XDR டிஸ்ப்ளே, 120Hz ரிஃப்ரெஷ் ரேட், செராமிக் ஷீல்ட் பாதுகாப்பு, IP69 நீர்-தூசி எதிர்ப்பு, ஆப்பிள் A19 சிப், 12GB ரேம், 48MP + 48MP + 48MP + 48MP பின்புற கேமரா, 5X ஆப்டிகல் ஜூம், 12MP முன் கேமரா போன்ற அம்சங்கள் இதில் இடம்பெற்றுள்ளன.

விலை குறித்த விவரங்கள்

இந்தியாவில் ப்ரோ மேக்ஸ் மாடலின் விலை குறித்த அதிகாரப்பூர்வ தகவல் இன்று வெளியாகவில்லை. ஆனால், கசிந்த தகவல்களின் படி, 256GB வகை ரூ.1,64,000 முதல் ரூ.1,69,000 வரை நிர்ணயம் செய்யப்படலாம். பண்டிகை காலத்தை முன்னிட்டு இந்த போன் வெளியிடப்படுவதால், ஆப்பிள் ரசிகர்களுக்கு இது பெரும் கொண்டாட்டமாக இருக்கும்.