சென்னையில் இலங்கை தூதரக முற்றுகைப் போராட்டம்: வேல்முருகன் உள்ளிட்ட கட்சி நிர்வாகிகள் கைது!

இலங்கையின் யாழ்ப்பாணம் நல்லூரில் அமைக்கப்பட்டிருந்த தியாகி திலீபனின் சிலையை இலங்கை அரசு அகற்றியதைக் கண்டித்து, சென்னையில் உள்ள இலங்கை துணை தூதரகத்தை முற்றுகையிட்டு போராட்டத்தில் ஈடுபட்ட தமிழக வாழ்வுரிமை கட்சியின் (தவாக்க) தலைவர் வேல்முருகன், கட்சியின் முக்கிய நிர்வாகிகள் மற்றும் தொண்டர்களைக் காவல்துறை கைது செய்தது.இலங்கை அரசின் நடவடிக்கைக்கு எதிராக கண்டன கோஷங்களை எழுப்பி, தடையை மீறி முற்றுகையிட முயன்றதால் வேல்முருகன் உட்பட போராட்டக்காரர்களை போலீசார் கைது செய்து காவல்துறையின் வாகனத்தில் அழைத்துச் சென்றனர். இதனால் அப்பகுதியில் சிறிது நேரம் பரபரப்பு நிலவியது.