ஜனாதிபதிக்கு ரத்தத்தால் கடிதம் - நீட் தேர்வால் பாதிக்கப்பட்ட மாணவ மாணவிகள் உருக்கம்...!!!

The student has sent a letter to the president to write a request to cancel the selection option.

நீட் தேர்வை ரத்து செய்ய வேண்டும் எனக்கோரி ஜனாதிபதிக்கு ரத்தத்தால் கடிதம் எழுதி நீட் தேர்வால் பாதிக்கப்பட்ட மாணவ மாணவிகள் அனுப்பி உள்ளனர்.

நாடு முழுவதும் அரசு மற்றும் தனியார் மருத்துவக் கல்லூரிகளில் சேரும் மாணவர்களின் தகுதியை நீட் எனும் பொதுத்தேர்வு மூலம் மாணவர்களைச் சேர்க்க வேண்டும் என மத்திய அரசு உத்தரவிட்டது.

இதற்கு தமிழகம் உட்பட பல்வேறு மாநிலங்கள் எதிர்ப்பு தெரிவித்து வந்தனர். மேலும் மாணவர்கள் போராட்டத்திலும் ஈடுபட்டு வந்தனர். ஆனால் மாநிலங்களின் எதிர்ப்பையும் மீறி மத்திய அரசு நீட் தேர்வை பல்வேறு கட்டுப்பாடுகளுடன் நடத்தி முடித்தது.

இதைதொடர்ந்து வெளியான மதிப்பெண் முடிவுகளில், தமிழக மாணவர்கள் கடுமையாகப் பாதிக்கப்பட்டனர். தமிழ்நாட்டு பாடத்திட்டத்தின்படி படித்து நீட் தேர்வு எழுதிய மாணவர்களுக்கு 85 சதவிகித இடங்கள் ஒதுக்கீடு செய்ய ஓர் அரசாணையை மாநில அரசு வெளியிட்டது.

இந்த அரசாணையை எதிர்த்து சிபிஎஸ்சி மாணவர்கள் உயர்நீதிமன்றத்தில் வழக்கு தொடர்ந்தனர். இதனால் தமிழக அரசின் அரசாணையை உயர்நீதிமன்றம் ரத்து செய்து உத்தரவிட்டது.

இதையடுத்து தமிழக அரசு சார்பில் உயர்நீதிமன்றத்தில் மேல்முறையீடு செய்யப்பட்டுள்ளது.

இந்நிலையில்  நீட் தேர்வை ரத்து செய்ய அரசுக்கு அழுத்தம் கொடுக்க வேண்டும் என எதிர்கட்சி தலைவர் ஸ்டாலினை சந்தித்து மாணவ மாணவிகள் கோரிக்கை வைத்தனர்.

அப்போது, நீட் தேர்வை ரத்து செய்ய வேண்டும் எனக்கோரி ஜனாதிபதிக்கு ரத்தத்தால் கடிதம் எழுதி நீட் தேர்வால் பாதிக்கப்பட்ட மாணவ மாணவிகள் அனுப்பி உள்ளதாக தெரிவித்தனர். மேலும் அந்த கடித்த்தின் நகலையும் ஸ்டாலினிடம் காண்பித்தனர்.