தனியாக நின்று சாதனை படைத்துள்ளார் விஜய் ! விஜய்யின் தந்தையும் இயக்குநருமான S.A.சந்திரசேகர் பெருமிதம்

2026 தமிழ்நாடு சட்டமன்றத் தேர்தல் முடிவுகள் இன்று வெளியாகிக் கொண்டிருக்கும் நிலையில், தமிழக அரசியலில் ஒரு வரலாற்றுச் சிறப்புமிக்க மாற்றமாக நடிகர் விஜய்யின் தமிழக வெற்றி கழகம் (TVK) மிகப்பெரிய வெற்றியைப் பதிவு செய்து வருகிறது. ஆரம்பகட்ட நிலவரங்களின்படி, தமிழக வெற்றி கழகம் 100-க்கும் மேற்பட்ட தொகுதிகளில் முன்னிலை பெற்று, மாநிலத்தின் தனிப்பெரும் கட்சியாக உருவெடுத்துள்ளது. குறிப்பாக, திருச்சிராப்பள்ளி கிழக்கு மற்றும் பெரம்பூர் ஆகிய இரண்டு தொகுதிகளில் போட்டியிட்ட கட்சியின் தலைவர் விஜய், இரண்டிலும் கணிசமான வாக்குகள் வித்தியாசத்தில் முன்னிலையில் உள்ளார். இந்த அமோக வெற்றியை முன்னிட்டு சென்னையில் உள்ள விஜய்யின் இல்லத்தில் கொண்டாட்டங்கள் களைகட்டியுள்ளன. விஜய்யின் தந்தையும் இயக்குநருமான எஸ்.ஏ. சந்திரசேகர் மற்றும் தாயார் ஷோபா சந்திரசேகர் ஆகியோர் குடும்பத்தினருடன் இணைந்து மகிழ்ச்சியைப் பகிர்ந்து கொண்டனர். கட்சியின் சின்னமான 'விசில்' ஊதியும், ஒருவருக்கொருவர் இனிப்புகள் வழங்கியும் இந்த வெற்றியைக் கொண்டாடினர். தற்போதைய நிலவரப்படி, டிவிகே 110 தொகுதிகளில் முன்னிலை வகிக்க, அதிமுக கூட்டணி 62 இடங்களிலும், ஆளுங்கட்சியான திமுக கூட்டணி 45 இடங்களிலும் உள்ளன. தமிழக அரசியலில் நீண்டகாலமாக இருந்து வந்த இருமுனைப் போட்டியை உடைத்து, விஜய்யின் இந்த எழுச்சி ஒரு புதிய அரசியல் சகாப்தத்தின் தொடக்கமாகப் பார்க்கப்படுகிறது.