வாக்குரிமையைப் பறிக்கும் முயற்சி நாடு முழுவதும் நடக்கிறது – தாராபுரத்தில் கனிமொழி எம்.பி எச்சரிக்கை!

தாராபுரம் சட்டமன்றத் தொகுதி தேர்தலை முன்னிட்டு, திருப்பூர் மாவட்டம் தாராபுரத்தில் திமுக சார்பில் நடைபெற்ற மகளிர் அணி ஆலோசனைக் கூட்டத்தில் திமுக துணைப் பொதுச்செயலாளரும் நாடாளுமன்ற உறுப்பினருமான கனிமொழி கருணாநிதி கலந்துகொண்டு உரையாற்றினார். அப்போது பேசிய அவர், மக்கள் அளிக்கும் வாக்குகள் சரியான முறையில் பதிவு செய்யப்படுகிறதா என்பதை உறுதிசெய்ய வேண்டிய பொறுப்பு தேர்தல் ஆணையத்திற்கு உள்ளது என்றும், ஆனால் தற்போது நாடு முழுவதும் பொதுமக்களின் வாக்குரிமையைப் பாதிக்கக்கூடிய செயல்கள் நடைபெற்று வருவதாகவும் குற்றம்சாட்டினார்..