திசைதிருப்பும் அரசியல் செய்வதை நிறுத்துங்கள் – சட்டமன்றத்தில் முதலமைச்சர் உரைக்குக் காரசார எதிர்ப்பு

தமிழ்நாடு சட்டமன்றக் கூட்டத்தொடரில் (பகுதி 7), மானியக் கோரிக்கை மற்றும் சட்டம்-ஒழுங்கு விவாதத்தின் போது சட்டப்பேரவைக்குள் கடும் அமளி ஏற்பட்டது. எதிர்க்கட்சி உறுப்பினர்கள் எழுப்பிய முக்கியக் கேள்விகளுக்குப் பதிலளிக்காமல், முதலமைச்சர் பழைய விவகாரங்களையும் ஆதாரமற்ற குற்றச்சாட்டுகளையும் பேசி விவாதத்தைத் திசைதிருப்ப முயல்வதாக எதிர்க்கட்சியினர் குற்றம்சாட்டினர்.   மேலும், முதலமைச்சரின் உரையின் போது எதிர்க்கட்சியினருக்குப் பதிலளிக்கவும் விளக்கம் கேட்கவும் சபாநாயகர் உரிய வாய்ப்பளிக்கவில்லை எனக் கூறி, அவையின் நடுவே சென்று முழக்கமிட்ட எதிர்க்கட்சி உறுப்பினர்கள், பின்னர் பேரவையிலிருந்து வெளிநடப்பு செய்தனர். முதலமைச்சரின் இத்தகைய போக்கைக் கண்டித்து, மக்கள் நலன் சார்ந்த கேள்விகளுக்கு அரசு நேரடியாகப் பதிலளிக்க வேண்டும் என உறுப்பினர்கள் வலியுறுத்தினர்.