உலக ஹாக்கி லீக்: இன்று இந்தியாவும், பாகிஸ்தானும் எதிர்கொள்கின்றன…

World Hockey League India and Pakistan face today

உலக ஹாக்கி லீக் அரையிறுதிப் போட்டியில் ஐந்தாவது முதல் எட்டாவது இடத்துக்கான பிளே ஆஃப் சுற்றில் இந்தியாவும், பாகிஸ்தானும் இன்று மோதவுள்ளன.

உலக ஹாக்கி லீக் போட்டி இலண்டனில் நடைபெற்று வருகிறது.

இந்தப் போட்டியின் காலிறுதியில் இந்தியா, மலேசியாவிடம் தோற்றது. பாகிஸ்தான், ஆர்ஜென்டீனாவிடம் தோற்றது. இதையடுத்து ஐந்தாவது முதல் எட்டாவது இடத்துக்கான ஆட்டத்தில் இவ்விரு அணிகளும் இன்று மோதுகின்றன.

குரூப் சுற்றில் இந்திய அணி 7-1 என்ற கோல் கணக்கில் பாகிஸ்தானை வீழ்த்தியிருக்கிறது. அதனால் இந்திய அணி இந்த ஆட்டத்தில் மிகுந்த நம்பிக்கையோடு களமிறங்கலாம்.

அதேநேரத்தில் பாகிஸ்தான் அணி குரூப் சுற்றில் படுதோல்வி கண்டதற்கு பதிலடி கொடுக்க முயற்சிக்கலாம்.

இந்த ஆட்டத்தில் இந்திய அணி வெல்லும்பட்சத்தில், நாளை நடைபெறும் 5 மற்றும் 6-வது இடத்துக்கான பிளே ஆஃப் சுற்றில் விளையாட தகுதி பெறும்.

ஏற்கெனவே அரையிறுதி வாய்ப்பை இழந்துவிட்ட இந்திய அணி, 5-ஆவது இடத்தைப் பிடிக்க கடுமையாகப் போராட வேண்டும்.