TNPL 2026 : 29 பந்துகளில் 66 ரன்கள்! அமித் சாத்விக்கின் சிக்ஸர் மழையில் சரிந்தது கோவை கிங்ஸ்!

டாஸ் வென்ற திருப்பூர் தமிழன்ஸ் அணி முதலில் பந்துவீச்சைத் தேர்வு செய்தது. முதலில் பேட்டிங் செய்த கோவை கிங்ஸ் அணி, நிர்ணயிக்கப்பட்ட 20 ஓவர்களில் 8 விக்கெட்டுகள் இழப்பிற்கு 166 ரன்கள் சேர்த்தது. பந்துவீச்சு நாயகர்கள்: திருப்பூர் தமிழன்ஸ் தரப்பில் கிஷோர் G மற்றும் ஜாதவேத் சுப்ரமணியன் தலா 2 விக்கெட்டுகளை வீழ்த்தி கோவை அணியின் ரன் வேகத்தைக் கட்டுப்படுத்தினர். 167 ரன்கள் என்ற இலக்கை நோக்கி களமிறங்கிய திருப்பூர் தமிழன்ஸ் அணி தொடக்கம் முதலே அதிரடி ஆட்டத்தை வெளிப்படுத்தியது. அமித் சாத்விக் அதிரடி: திருப்பூர் அணியின் தொடக்க வீரர் அமித் சாத்விக் வி.பி. அபாரமாக விளையாடி வெறும் 29 பந்துகளில் 5 பவுண்டரிகள் மற்றும் 6 சிக்ஸர்களுடன் 66 ரன்கள் விளாசினார். துஷார் ரஹேஜா 6 பந்துகளில் 13 ரன்கள் எடுத்து நல்ல தொடக்கம் அமைத்துக் கொடுத்தார்.இறுதியில் திருப்பூர் தமிழன்ஸ் அணி 11 ஓவர்களில் 6 விக்கெட் இழப்பிற்கு 106 ரன்கள் எடுத்து ரன் ரேட் அடிப்படையில் அபார வெற்றியைப் பெற்றது. கொங்கு மண்டல அணிகளுக்கு இடையேயான இந்த விறுவிறுப்பான 'கொங்கு டர்பி' போட்டியில், அமித் சாத்விக்கின் அதிரடி ஆட்டத்தாலும், பந்துவீச்சாளர்களின் சிறப்பான செயல்பாட்டாலும் ஐடிரீம் திருப்பூர் தமிழன்ஸ் அணி கோவை கிங்ஸை வீழ்த்திப் புள்ளிப்பட்டியலில் முக்கிய வெற்றியைப் பதிவு செய்தது.