டெல்லி டேர் டெவில்ஸ் அணியை 71 ஓட்டங்கள் வித்தியாசத்தில் வீழ்த்தி கொல்கத்தா அணி அசத்தல் வெற்றி பெற்றது.
கொல்கத்தா நைட் ரைடர்ஸ் - டெல்லி டேர் டெவில்ஸ் இடையேயான ஐபிஎல் போட்டியின் 13-வது ஆட்டம் ஈடன் கார்டன் மைதானத்தில் நேற்று இரவு நடைபெற்றது.
டாஸ் வென்ற டெல்லி அணி பீல்டிங்கை தேர்வு செய்ததையடுத்து கொல்கத்தா அணியின் கிறிஸ் லீன், சுனில் நரேன் ஆகியோர் தொடக்க வீரர்களாக களமிறங்கினர்.
சுனில் நரேன் 1 ஓட்டம் எடுத்த நிலையில்ஆட்டமிழந்தார். பின்னர் களமிறங்கிய ராபின் உத்தப்பா - கிறிஸ் லீனுடன் இணைந்து அதிரடியாக ஆடினார். உத்தப்பா 35 ஓட்டங்களிலும், லீன் 31 ஓட்டங்களுக்கும் ஆட்டமிழந்தனர்.
அதனைத் தொடர்ந்து களம் கண்ட கேப்டன் தினேஷ் கார்த்திக் 19 ஓட்டங்களுக்கு ஆட்டமிழந்தார். பின்னர் ஆன்ட்ரே ரஸ்ஸல் - ராணா இணை சிறப்பாக ஆடியது.
ரஸ்ஸல் 41 ஓட்டங்களிலும், ராணா 59 ஓட்டங்களிலும், ஷுப்மன் கில் 6 ஓட்டங்களிலும், டாம் கர்ரன் 2 ஓட்டங்களிலும், பியுஷ் சாவ்லா ஓட்டம் ஏதும் எடுக்காமலும் ஆட்டமிழந்தனர். 20 ஓவர்கள் முடிவில் கொல்கத்தா அணி 9 விக்கெட்டுகளை இழந்து 200 ஓட்டங்களை எடுத்திருந்தது.
டெல்லி அணியின் ராகுல் தேவதியா 3 விக்கெட்டுகளையும், பெளல்ட், மோரீஸ் தலா 2 விக்கெட்டுகளையும், நதீம், சமி தலா 1 விக்கெட்டையும் வீழ்த்தினர்.
பின்னர் டெல்லி அணி சார்பில் கம்பீர், ஜேசன் ராய் தொடக்க வீரர்களாக களமிறங்கினர். ராய் 1 ஓட்டத்திலும், ஷ்ரேயஸ் ஐயர் 4 ஓட்டங்களிலும் ஆட்டமிழந்து துவக்கத்திலேயே அதிர்ச்சி தந்தனர். 2 ஓவர்களில் 2 விக்கெட்டுகளை இழந்து பஞ்சாப் 15 ஓட்டங்களையே எடுத்திருந்தது.
ஷ்ரேயஸ் ஐயர் 4 ஓட்டங்கள், ராகுல் தேவைதியா 1 ஓட்டம், விஜய் சங்கர் 2 ஓட்டங்கள், மோரீஸ் 2 ஓட்டங்கள், முகமது சமி 7 ஓட்டங்கள், பெளல்ட் ஓட்டம் ஏதும் எடுக்காமல் ஆட்டமிழந்தனர். ரிஷப் பந்த் 43 ஓட்டங்களுடனும், கிளென் மேக்ஸ்வெல் 47 ஓட்டங்களைக் குவித்தனர்.
கொல்கத்தா அணியின் சுனில் நரேன், குல்தீப் யாதவ் ஆகியோர் சிறப்பாக பந்து வீசி தலா 3 விக்கெட்டுகளை வீழ்த்தினர். சாவ்லா, ரஸ்ஸல், சிவம் மவி , டாம் கர்ரன் ஆகியோர் தலா 1 விக்கெட்டை வீழ்த்தினர்.
டெல்லி அணி 14.2 ஓவர்களிலேயே 10 விக்கெட்டுகளையும் இழந்து 129 ஓட்டங்களையே எடுத்தது. இறுதியில் 71 ஓட்டங்கள் வித்தியாசத்தில் கொல்கத்தா அணி அசத்தல் வெற்றி பெற்றது.