நியூஸிலாந்துக்கு எதிரான ஆட்டத்தில் வெற்றியை ருசித்தது ஆஸ்திரேலியா...

Australia won the match against New Zealand

முத்தரப்பு டி20 கிரிக்கெட் போட்டியில் நியூஸிலாந்துக்கு எதிரான ஆட்டத்தில் 5 விக்கெட்டுகள் வித்தியாசத்தில் ஆஸ்திரேலியா வெற்றியை ருசித்தது.

முத்தரப்பு டி20 கிரிக்கெட் போட்டியில் நியூஸிலாந்துக்கு எதிரான ஆட்டம் ஆக்லாந்தில் நேற்று  நடைபெற்றது.

இந்த ஆட்டத்தில் முதலில் பேட் செய்த நியூஸிலாந்து 20 ஓவர்களில் 6 விக்கெட் இழப்புக்கு 243 ஓட்டங்கள் அடித்தது.

அடுத்து ஆடிய ஆஸ்திரேலியா 18.5 ஓவர்களில் 5 விக்கெட் இழப்புக்கு 245 ஓட்டங்கள் எடுத்து வென்றது.

டாஸ் வென்று பேட் செய்த நியூஸிலாந்தில் தொடக்க வீரர் மார்டின் கப்டில் அதிகபட்சமாக 54 பந்துகளில் 6 பவுண்டரிகள், 9 சிக்ஸர்களுடன் 105 ஓட்டங்கள் விளாசினார். உடன் வந்த காலின் மன்ரோ 33 பந்துகளில் 6 பவுண்டரிகள், 6 சிக்ஸர்கள் உள்பட 76 ஓட்டங்கள் அடித்தார்.

எஞ்சிய விக்கெட்டுகள் சொற்ப ரன்களில் ஆட்டமிழக்க, ராஸ் டெய்லர் 17 ஓட்டங்கள் , பென் வீலர் 1 ஓட்டத்துடன் ஆட்டமிழக்காமல் இருந்தனர்.

ஆஸ்திரேலிய தரப்பில் கேன் ரிச்சர்ட்சன், ஆன்ட்ரு டை ஆகியோர் தலா 2 விக்கெட்டுகளும், ஸ்டான்லேக், ஆஷ்டோன் அகர் ஆகியோர் தலா ஒரு விக்கெட்டும் வீழ்த்தினர்.

பின்னர், ஆடிய ஆஸ்திரேலிய அணியில் ஆர்சி ஷார்ட் அதிகபட்சமாக 44 பந்துகளில் 8 பவுண்டரிகள், 3 சிக்ஸர்களுடன் 76 ஓட்டங்கள் எடுத்தார். கேப்டன் டேவிட் வார்னர் 59 ஓட்டங்கள் , கிளென் மேக்ஸ்வெல் 31 ஓட்டங்கள் எடுத்தனர். ஆரோன் ஃபிஞ்ச் 36 ஓட்டங்கள் , அலெக்ஸ் கேரி 1 ஓட்டத்துடன் ஆட்டமிழக்காமல் அணியை வெற்றிக்கு வழி நடத்தினர்.

நியூஸிலாந்து தரப்பில் டிரென்ட் போல்ட், டிம் செüதி, ஐஷ் சோதி, கிரான்ட்ஹோம் ஆகியோர் தலா ஒரு விக்கெட் எடுத்தனர்.

ஆர்சி ஷார்ட் ஆட்டநாயகனாக அறிவிக்கப்பட்டார்.

இந்தத் தொடரில் ஆஸ்திரேலிய அணிக்கு கிடைத்துள்ள 4-ஆவது தொடர் வெற்றியாகும்.