விராட் கோலி ஃபார்முக்கு திரும்ப 'இதை' செய்யணும்! முன்னாள் அதிரடி வீரர் அட்வைஸ்!

ஆஸ்திரேலிய தொடரில் பார்ம் இல்லாமல் தவித்து வரும் விராட் கோலிக்கு, இந்திய முன்னாள் வீரர் இர்பான் பதான் அறிவுரை வழங்கியுள்ளார். இந்திய வெற்றிக்கு விராட் பார்ம் முக்கியம் என்று அவர் கூறியுள்ளார். 

சிட்னியில் ஆஸ்திரேலியாவுக்கு எதிரான கடைசி ஒருநாள் போட்டிக்கு முன்னதாக, இந்திய நட்சத்திர பேட்டர் விராட் கோலி ஸ்ட்ரைக் ரொட்டேஷனில் கவனம் செலுத்த வேண்டும் என்று முன்னாள் இந்திய கிரிக்கெட் வீரர் இர்பான் பதான் வலியுறுத்தியுள்ளார். சர்வதேச கிரிக்கெட்டிற்கு திரும்பிய தொடராகக் கருதப்படும் இந்தத் தொடரில், அடுத்தடுத்து இரண்டு முறை டக் அவுட் ஆன நிலையில், சிட்னியில் நடக்கும் கடைசி ஒருநாள் போட்டியில் விராட் கோலி தனது ரன் கணக்கைத் தொடங்க இலக்கு வைத்துள்ளார்.

விராட் கோலிக்கு இர்பான் பதான் அட்வைஸ்

இந்த போட்டி ஆஸ்திரேலியாவில் இந்தியாவுக்காக அவர் விளையாடும் கடைசி போட்டியாக இருக்கலாம். எனவே, ஒரு பெரிய இன்னிங்ஸுடன் சிறப்பாக முடிக்க கோலி விரும்புவார். இந்நிலையில், ஜியோஸ்டாரில் பேசிய இர்பான் பதான் இந்தியாவின் வெற்றிக்கு விராட்டின் ஃபார்ம் முக்கியம் என்றார். "விராட் கோலியின் ஃபார்ம் முக்கியமானது. அவர் ஸ்ட்ரைக்கை ரொட்டேட் செய்து, ஸ்கோர்போர்டை நகர்த்திக்கொண்டே இருக்க வேண்டும். ஏனென்றால், அவர் அதைச் செய்யத் தொடங்கிவிட்டால், எந்த எதிரணியாலும் அவரைத் தடுப்பது மிகவும் கடினம்.

ஸ்ட்ரைக் ரொட்ரேட் செய்ய வேண்டும்

விராட் விரைவில் ஸ்ட்ரைக் ரொட்டேட் செய்து, சில ரன்களை எடுப்பார் என்று நம்புகிறேன். அது நடந்தவுடன், அவருக்குத் திரும்பிப் பார்க்கத் தேவையில்லை," என்றார். இதேபோல் முன்னாள் இந்திய வீரர் அபிஷேக் நாயரும், கடைசி ஒருநாள் போட்டியில் வேகப்பந்து வீச்சாளர்கள் அதிக விக்கெட்டுகளை வீழ்த்த வேண்டும் என்று கூறினார்.

பாஸ்ட் பவுலர்கள் விக்கெட் வீழ்த்த வேண்டும்

"ஆஸ்திரேலிய ஆடுகளங்களில் அவர்களுக்குக் கிடைக்கும் உதவியை முழுமையாகப் பயன்படுத்திக்கொண்டு, அதைத் தங்கள் செயல்திறனில் காட்ட வேண்டும். இந்திய வேகப்பந்து வீச்சாளர்கள், குறிப்பாகப் புதிய பந்தில், ஆரம்பத்திலேயே விக்கெட்டுகளை வீழ்த்தி தாக்கத்தை ஏற்படுத்த வேண்டும் என்று நான் விரும்புகிறேன்" என்று அபிஷேக் நாயர் கூறினார்.

அதிக விக்கெட்டுகள் யார்?

ஆஸ்திரேலிய ஓடிஐ தொடரில் இந்தியா வீழ்த்திய 11 விக்கெட்டுகளில் 6 விக்கெட்டுகளை வேகப்பந்து வீச்சாளர்கள் எடுத்துள்ளனர். முந்தைய போட்டியில் ஹர்ஷித் ராணா மற்றும் அர்ஷ்தீப் சிங் தலா இரண்டு விக்கெட்டுகளை வீழ்த்தினர். மூன்று விக்கெட்டுகளுடன், அர்ஷ்தீப் 24.00 சராசரியுடன் இந்தியாவின் முன்னணி வேகப்பந்து வீச்சாளராக உள்ளார். அதே நேரத்தில், ராணா 43.00 சராசரியையும், சிராஜ் இரண்டு போட்டிகளில் எடுத்த ஒரே விக்கெட்டுக்கு 70 சராசரியையும் கொண்டுள்ளனர்.