பிரித்வி ஷாவை களமிறக்கும் டெல்லி, டாஸ் வென்று பேட்டிங்! ஹாட்ரிக் வெற்றி பெறுமா சிஎஸ்கே?

சென்னை சூப்பர் கிங்ஸ் அணிக்கு எதிரான 13ஆவது ஐபிஎல் போட்டியில் முதலில் டாஸ் வென்ற டெல்லி கேபிடல்ஸ் கேப்டன் ரிஷப் பண்ட் பேட்டிங் தேர்வு செய்துள்ளார்.

சென்னை சூப்பர் கிங்ஸ் மற்றும் டெல்லி கேபிடல்ஸ் அணிகளுக்கு இடையிலான ஐபிஎல் தொடரின் 13 ஆவது லீக் போட்டி விசாகப்பட்டினத்தில் நடைபெறுகிறது. இதில், டாஸ் வென்ற டெல்லி கேப்டன் ரிஷப் பண்ட் முதலில் பேட்டிங் தேர்வு செய்துள்ளார். டெல்லி கேபிடல்ஸ் அணியில் 2 மாற்றங்கள் செய்யப்பட்டுள்ளது. அதன்படி ப்ரித்வி ஷா மற்றும் இஷாந்த் சர்மா இருவரும் அணியில் சேர்க்கப்பட்டுள்ளனர். குல்தீப் யாதவ் காயம் காரணமாக இந்தப் போட்டியில் இடம் பெறவில்லை. மேலும் ரிக்கி பூய் நீக்கப்பட்டுள்ளார்.

டெல்லி கேபிடல்ஸ்:

பிரித்வி ஷா, டேவிட் வார்னர், மிட்செல் மாஷ், ரிஷப் பண்ட் (கேப்டன்/விக்கெட் கீப்பர்), டிரிஸ்டன் ஸ்டப்ஸ், அக்‌ஷர் படேல், அபிஷேக் போரெல், ஆண்ட்ரிச் நோர்ட்ஜே, முகேஷ் குமார், இஷாந்த் சர்மா, கலீல் அகமது.

சென்னை சூப்பர் கிங்ஸ்:

ருதுராஜ் கெய்க்வாட் (கேப்டன்), ரச்சின் ரவீந்திரா, அஜின்க்யா ரகானே, டேரில் மிட்செல், ரவீந்திர ஜடேஜா, சமீர் ரிஸ்வி, எம்.எஸ்.தோனி (விக்கெட் கீப்பர்), தீபக் சாகர், துஷார் தேஷ்பாண்டே, மதீஷா பதிரனா, முஷ்தாபிஜூர்  ரஹ்மான்.

இதுவரையில் இரு அணிகளும் நேருக்கு நேர் மோதிய 29 போட்டிகளில் விளையாடியுள்ளன. இதில், 19 போட்டிகளில் சென்னை சூப்பர் கிங்ஸ் வெற்றி பெற்றுள்ளது. மேலும், 10 போட்டிகளில் டெல்லி கேபிடல்ஸ் வெற்றி பெற்றுள்ளது. இதில் அதிகபட்சமாக சிஎஸ்கே 223 ரன்கள் எடுத்துள்ளது. sஇதே போன்று குறைந்தபட்சமாக 110 ரன்கள் எடுத்துள்ளது. மேலும், டெல்லி கேபிடல்ஸ் அதிகபட்சமாக 198 ரன்கள் எடுத்துள்ளது. குறைந்தபட்சமாக 83 ரன்கள் எடுத்துள்ளது. கடைசியாக நடந்த 3 போட்டியிலும் சென்னை சூப்பர் கிங்ஸ் வெற்றி பெற்றுள்ளது என்பது குறிப்பிடத்தக்கது.