ஆசிய கோப்பை கிரிக்கெட் தொடரை எந்த டிவியில் பார்க்கலாம்? மேட்ச் தொடங்கும் நேரம் என்ன?
சுருக்கம்
ஆசிய கோப்பை கிரிக்கெட் தொடரை எந்த டிவியில் பார்க்கலாம்? மேட்ச் தொடங்கும் நேரம் என்ன? என்பது குறித்து பார்க்கலாம்.
ஆசியக் கோப்பை கிரிக்கெட் அடுத்த மாதம் 9ம் தேதி ஐக்கிய அரபு அமீரகத்தில் தொடங்குகிறது. டி20 போட்டி வடிவத்தில் நடைபெறும் இந்த தொடரில் இந்தியா, இலங்கை, பாகிஸ்தான், ஆப்கானிஸ்தான், வங்கதேசம், ஐக்கிய அரபு அமீரகம், ஓமன், ஹாங்காங் ஆகிய 8 அணிகள் பங்கேற்க உள்ளன. இந்த தொடரில் விளையாடும் இந்திய அணி ஏற்கெனவே அறிவிக்கப்பட்டுள்ளது.
ஆசிய கோப்பைக்கான இந்திய அணி
சூர்யகுமார் யாதவ் கேப்டனாகவும், சுப்மன் கில் துணை கேப்டனாகவும் நியமனம் செய்யப்பட்டுள்ளனர். அணியில்சூர்யகுமார் யாதவ், சுப்மன் கில், அபிஷேக் சர்மா, திலக் வர்மா, ஹர்திக் பாண்டியா, ஷிவம் துபே, அக்சர் படேல், ஜிதேஷ் சர்மா, ஜஸ்பிரித் பும்ரா, வருண் சக்கரவர்த்தி, அர்ஷ்தீப் சிங், குல்தீப் யாதவ், சஞ்சு சாம்சன் ஆகியோர் இடம் பெற்றுள்ளனர். பிரசித் கிருஷ்ணா, வாஷிங்டன் சுந்தர், ரியான் பராக், துருவ் ஜூரல், யஷஸ்வி ஜெய்ஸ்வால் ஆகியோர் ரிசர்வ் வீரர்கள் பட்டியலில் உள்ளனர்.
ஆசியக் கோப்பை போட்டி அட்டவணை:
செப்டம்பர் 9, செவ்வாய்: ஆப்கானிஸ்தான் vs ஹாங்காங் - அபுதாபி
செப்டம்பர் 10, புதன்: இந்தியா vs ஐக்கிய அரபு அமீரகம் - துபாய்
செப்டம்பர் 11, வியாழன்: வங்கதேசம் vs ஹாங்காங் - அபுதாபி
செப்டம்பர் 12, வெள்ளி: பாகிஸ்தான் vs ஓமன் - துபாய்
செப்டம்பர் 13, சனி: வங்கதேசம் vs இலங்கை - அபுதாபி
செப்டம்பர் 14, ஞாயிறு: இந்தியா vs பாகிஸ்தான் - துபாய்
செப்டம்பர் 15, திங்கள்: ஐக்கிய அரபு அமீரகம் vs ஓமன் - அபுதாபி
செப்டம்பர் 15, திங்கள்: இலங்கை vs ஹாங்காங் - துபாய்
செப்டம்பர் 16, செவ்வாய்: வங்கதேசம் vs ஆப்கானிஸ்தான் - அபுதாபி
செப்டம்பர் 17, புதன்: பாகிஸ்தான் vs ஐக்கிய அரபு அமீரகம் - துபாய்
செப்டம்பர் 18, வியாழன்: இலங்கை vs ஆப்கானிஸ்தான் - அபுதாபி
செப்டம்பர் 19, வெள்ளி: இந்தியா vs ஓமன் - அபுதாபி
சூப்பர் 4 மற்றும் இறுதிப் போட்டி:
செப்டம்பர் 20 முதல் 26 வரை: சூப்பர் 4 சுற்றுப் போட்டிகள்
செப்டம்பர் 28, ஞாயிறு: இறுதிப் போட்டி
ஆசிய கோப்பையை எந்த டிவியில் பார்க்கலாம்?
ஆசிய கோப்பை தொடர் முழுவதையும் சோனி நெட்வொர்க் சேனலில் நேரலையில் பார்க்கலாம். சோனி ஸ்போர்ட்ஸ் சேனலில் தமிழ் வர்ணனையுடன் போட்டிகளை கண்டு ரசிக்கலாம். இது மட்டுமின்றி சோனி லிவ் ஓடிடி தளத்திலும் போட்டிகளை நேரலையில் பார்த்து மகிழலாம்.
போட்டிகள் எத்தனை மணிக்கு தொடங்கும்?
ஆசியக் கோப்பையில் அனைத்து போட்டிகள் இந்திய நேரப்படி இரவு 8.00 மணிக்குத் தொடங்கும். செப்டம்பர் 15 அன்று ஐக்கிய அரபு அமீரகம் மற்றும் ஓமன் அணிகளுக்கு இடையேயான போட்டி மட்டும் இந்திய நேரப்படி மாலை 5.30 மணிக்கு தொடங்கும்.