அபிஷேகங்களில் அன்னாபிஷேகம் என்றால் என்ன? யாருக்கு செய்யப்படுகிறது? எப்போது செய்யப்படுகிறது?
By Narendran S | First Published Nov 6, 2022, 7:22 PM ISTஆண்டுதோறும் ஐப்பசி பௌர்ணமியின் போது சிவனுக்கு செய்யப்படும் அன்னாபிஷேகத்தின் முக்கியத்துவத்தை விளக்குகிறது இந்த செய்தித்தொகுப்பு.
ஆண்டுதோறும் ஐப்பசி பௌர்ணமியின் போது சிவனுக்கு செய்யப்படும் அன்னாபிஷேகத்தின் முக்கியத்துவத்தை விளக்குகிறது இந்த செய்தித்தொகுப்பு.
அன்ன அபிஷேகம்:
Latest Videos
undefined
அபிஷேகம் என்பது இறைவனுக்கு செய்யும் ஒரு செயல். இறைவனின் சிலைக்கு பால், தயிர், தேன், புனித நீர் உள்ளிட்ட அபிஷேகப்பொருட்களால் அபிஷேகம் செய்யப்பட்டு தீபாராதனை காட்டப்படும். அந்த வகையில் அன்ன அபிஷேகம் என்பது சமைக்கப்பட்ட அரிசியால் இறைவனுக்கு அபிஷேகம் செய்வதாகும்.
பொதுவாக அன்னாபிஷேகம் தமிழ் மாதமான ஐப்பசி பௌர்ணமி நாளில் செய்யப்படுகிறது. இந்தியாவில் பல்வேறு வகையான அபிஷேகங்கள் நடத்தப்பட்டாலும், தென்னிந்திய சிவன் கோவில்கள் அனைத்திலும் சிவலிங்கம் வடிவில் சிவபெருமானுக்கு இந்த குறிப்பிட்ட அபிஷேகம் செய்யப்படுகிறது. வருடத்திற்கு ஒரு முறை இந்த வழிபாட்டைச் செய்வதன் மூலம் வாழ்க்கையில் உள்ள அனைத்து பிரச்சனைகளிலிருந்தும் விடுபடலாம் என்று கூறப்படுகிறது. இந்த விழா சிவ அபிஷேகம் அல்லது மகா அன்ன அபிஷேகம் என்றும் அழைக்கப்படுகிறது. தென்னிந்தியா முழுவதும், குறிப்பாக தமிழ்நாட்டில் உள்ள பல சிவன் கோவில்களில் அன்னாபிஷேகம் நடத்தப்படுகிறது.
இதையும் படிங்க: ஒன்றாக வருகிறது பௌர்ணமியும் கிரகணமும்… இந்தாண்டு அன்னாபிஷேகம் எப்போது? முழு விவரம் உள்ளே!!
அன்னாபிஷேகத்தின் முக்கியத்துவம்:
புனித நூல்களின் படி, அரிசி என்பது வாழ்க்கை, செழுமை மற்றும் செழிப்பு ஆகியவற்றின் சின்னமாகும். சிவபெருமான் அபிஷேக பிரியர். ஆகவே அவருக்கு பொதுவாக புனித நீர், பசுவின் பால், நெய், இளநீர், கரும்புச்சாறு, சந்தனப் பசை, விபூதி, தயிர், பஞ்சாமிர்தம் போன்ற 11 புனித பொருட்களால் அபிஷேகம் செய்யப்படும். ஒருவரது வாழ்க்கையில் அரிசியின் முக்கியத்துவத்தையும் தெய்வீகப் பங்கையும் குறிக்கும் வகையில், சிவனுக்கு ஆண்டுதோறும் அன்ன அபிஷேகம் செய்யப்படுகிறது.
இயற்கையின் ஐந்து கூறுகள் மற்றும் பூமியில் உள்ள அனைத்து உயிரினங்களின் ஒரே பாதுகாவலராக இருக்கும் சிவபெருமானுக்கு நன்றி தெரிவிக்கும் அடையாளமாக அன்ன அபிஷேகம் செயல்படுகிறது. மேலும், அரிசி என்பது இயற்கையின் ஐந்து கூறுகளின் இணைப்பின் விளைவாகும். நிலத்தில் விதை விதைக்கப்படும் போது, அது வானத்திலிருந்து வரும் தண்ணீராலும், சூரியனிடமிருந்து வரும் ஆற்றலாலும் ஊட்டமளித்து, காற்றின் உதவியால் நெல்லாக மாறுகிறது. இது அரிசியாக பதப்படுத்தப்பட்டு அனைத்து உயிரினங்களுக்கும் உணவாக வழங்கப்படுகிறது.
இதையும் படிங்க: Nov 6th - இன்றைய ராசிபலன் : ரிஷபம் - வெற்றி, சிம்மம் - திறமைக்கு பலன்! மீனம் - தடங்கள்! மற்ற ராசிகளுக்கு உள்ளே
அன்னாபிஷேகம் செய்யும் முறை:
அன்னாபிஷேகம் என்பது சிவபெருமானின் அருளைப் பெறும் ஒரு தனிச் வழி. இந்த நாளில், சிவபெருமானின் சக்தியின் அடையாளமான சிவலிங்கத்திற்கு, புனித நீர், மஞ்சள் தூள், சந்தனப் பசை, பால், ஆரஞ்சு சாறு, தேன், தேங்காய் நீர், தயிர் மற்றும் புனித சாம்பல் போன்ற பாரம்பரிய பொருட்களால் அபிஷேகம் செய்யப்படும். அதைத்தொடர்ந்து லிங்கம் முழுவதுமாக சமைத்த அரிசியால் அபிஷேகம் செய்யப்படும். இதையே அன்னாபிஷேகம் என்பர். லிங்கத்தின் உச்சியில் பல்வேறு வகையான காய்கறிகள் அலங்கரிக்கப்படும். இதன் முடிவில், சிவபெருமானுக்கு தீபாராதனை காட்டப்பட்டு அபிஷேகம் செய்யப்பட்ட அரிசி அனைவருக்கும் பிரசாதமாக வழக்கப்படும்.
தஞ்சையில் உள்ள பெரிய கோவிலில் உள்ள பிரம்மாண்டமான சிவலிங்கத்தின் மீது வடிக்கப்பட்ட சாதத்தால் அபிஷேகம் செய்யப்படுகிறது. கோயிலின் முதன்மைக் கடவுளான பிரகதீஸ்வரர், சமைத்த அரிசியால் முழுவதுமாக மூடப்பட்டு, வேகவைத்த காய்கறிகளில் மாலையிடப்படுகிறது. இந்த சமயத்தில் நமச்சிவாய மந்திரம் தொடர்ந்து உச்சரிக்கப்படும். இந்த அன்னாபிஷேகத்தில் பக்தர்கள் பலர் கலந்துக்கொண்டு சிவனின் அருளை பெறுவர். இந்த அன்னாபிஷேகம் தஞ்சாவூர், திருவாரூர், நாகப்பட்டினம் மாவட்டங்களில் உள்ள அனைத்து சிவன் கோயில்களிலும் சிறப்பாக நடைபெறும்.
சேனலை கிளிக் செய்து பின்தொடரவும்