Vinayagar Chathurthi 2025: விநாயகர் அருளைப் பெற வீட்டில் இந்த 4 இடங்களில் மறக்காமல் விளக்கு ஏற்றுங்கள்

விநாயகர் சதுர்த்தி இந்துக்களின் முக்கிய பண்டிகைகளில் ஒன்று. இந்த தினத்தில் வீட்டில் எங்கு விளக்கு ஏற்ற வேண்டும் என்பதை அனைவரும் அறிந்திருக்க வேண்டும். அதுகுறித்து இந்த பதிவில் பார்க்கலாம்.

ஆண்டுதோறும் ஆவணி மாதம் வரும் விநாயகர் சதுர்த்தியைச் சிறப்பாகக் கொண்டாடுகிறோம். இந்த ஆண்டு ஆகஸ்ட் 27 அன்று விநாயகர் சதுர்த்தி கொண்டாடப்படுகிறது. கோவில்களில் விநாயகர் சிலைகளை பிரதிஷ்டை செய்ய ஏற்பாடுகள் நடந்து வருகின்றன. ஒவ்வொரு ஆண்டும்  வீடுகளிலும் விநாயகரை பிரதிஷ்டை செய்து பூஜித்து, அவரது அருளைப் பெறுகிறோம். விநாயகர் சதுர்த்தி அன்று வீட்டில் சில குறிப்பிட்ட இடங்களில் விளக்கேற்றுவது அவசியம்.

இவ்வாறு விளக்கேற்றுவதால் வீட்டில் நன்மை உண்டாகும். எங்கெல்லாம் விளக்கேற்ற வேண்டும் என்பதை இங்கே காணலாம்.

முன் வாசலில்

வீட்டின் முன் வாசல் மிகவும் முக்கியமானது. அதனால் விநாயகர் சதுர்த்தி அன்று முன் வாசலில் கட்டாயம் விளக்கேற்ற வேண்டும். இது எதிர்மறை ஆற்றலை வீட்டிற்குள் வராமல் தடுக்கும். விநாயகர் சதுர்த்தி அன்று மாலையில் முன் வாசலில் விளக்கேற்றுங்கள். வீட்டில் அமைதியும் மகிழ்ச்சியும் நிலவும்.

வடகிழக்கு மூலையில்

வாஸ்து சாஸ்திரத்தின் படி, விநாயகர் சதுர்த்தி அன்று வீட்டின் வடகிழக்கு மூலையில் விளக்கேற்றுவது மிகவும் நல்லது. இதனால் வீட்டிலும் வாழ்விலும் நேர்மறை ஆற்றல் அதிகரிக்கும். செல்வத்தின் அதிபதியான லட்சுமி தேவி அந்த வீட்டில் வாசம் செய்வாள். அந்த வீட்டில் உணவுக்குப் பஞ்சமே இருக்காது.

விநாயகர் சிலைக்கு முன்பு

விநாயகர் சதுர்த்தி அன்று குளித்து, தியானம் செய்து, முறைப்படி விநாயகரை வழிபடுங்கள். மனமுருகி விநாயகர் முன் விளக்கேற்றுங்கள். விநாயகர் மந்திரங்களைச் சொல்லுங்கள். இவை அனைத்தும் விநாயகரை மகிழ்விக்கும். உங்கள் வாழ்க்கையில் உள்ள தடைகளை நீக்கும்.

துளசிச் செடி முன்

ஒவ்வொரு இந்து வீட்டிலும் துளசிச் செடி இருக்கும். தினமும் துளசியை வழிபடுவார்கள். துளசி பூஜைக்கும் மிகுந்த முக்கியத்துவம் உண்டு. விநாயகர் சதுர்த்தி அன்று மாலையில் துளசியை வழிபட்டு, சுத்தமான நெய்யால் விளக்கேற்றுங்கள். துளசிச் செடியை ஏழு அல்லது ஐந்து முறை சுற்றுங்கள். இவ்வாறு செய்வதால் லட்சுமி தேவி மகிழ்வாள். உங்கள் வீட்டில் பணத்திற்குப் பஞ்சம் வராமல் பார்த்துக் கொள்வாள்.