Palmistry : அதிர்ஷ்ட ரேகை உங்கள் கையில் ஓடுகிறதா? கவனமாக பார்த்துகொள்ளுங்கள்..!!
By Dinesh TG | First Published Dec 14, 2022, 9:10 AM ISTஒருவருக்கு நல்ல பணமும், புகழும் இருந்தால் அவர் கையில் அதிர்ஷ்ட ரேகை இருப்பதாக நம்மில் பலரும் நம்புகிறோம். இந்த அதிர்ஷ்ட ரேகையின் அர்த்தம் என்ன? அது எப்படி இருக்கும்? என்று கேட்டால் பலரும் தெரியாது என்று தான் கூறுவார்கள்.
ஒவ்வொரு நபரின் உள்ளங்கையிலும் பல வகையான கோடுகள் மற்றும் வடிவங்களைக் காணலாம். உள்ளங்கையில் இருக்கும் வரிகள் கைரேகை என்று கூறப்படுகிறது. அவை அமைந்துள்ள வடிவத்தை வைத்து தான், ஒருவருடைய எதிர்காலம் தீர்மானிக்கப்படுகிறது. ஒரு நபரின் கைரேகையை வைத்து அவருக்கு இருக்கும் அதிர்ஷ்டம், ஆரோக்கியம், திருமண வாழ்க்கை, குழந்தைப் பேறு, இன்பம் உள்ளிட்டவற்றை எளிதாக சொல்லிவிடலாம்.
ஹஸ்த சாமுத்ரிகா சாஸ்திரம் என்பது ஜோதிடத்தின் ஒரு பிரிவாகும். தனித்துவமான உள்ளங்கைக் கோடுகளைப் பார்த்து ஒரு நபரின் எதிர்காலத்தை கணிக்க முடியும். கைரேகை சரியாக அமையவில்லை என்றால், அந்த நபர் வாழ்க்கையில் சிரமங்களை எதிர்கொள்வார் என்று கூறப்படுகிறது. கைரேகையின் படி, மொத்தம் 4 கோடுகள் நம் கைகளில் முக்கியமானவை. அதாவது வாழ்க்கை ரேகை, அதிர்ஷ்ட ரேகை, இதய ரேகை மற்றும் திருமண ரேகை.
Latest Videos
undefined
கடின உழைப்புடன், கை ரேகைகளும் நன்றாக இருந்தால், மனிதன் விரைவில் வாழ்க்கையில் முன்னேறுவான். கைரேகையின் படி, விதி ரேகை ஒரு நல்ல நிலையில் இருந்தால், ஒரு நபரின் அதிர்ஷ்டம் பிரகாசமாக இருக்கும். உள்ளங்கையில் இருந்து தொடங்கி நடுவிரலுக்கு மேலே நேரடியாகச் சந்திக்கும் கோடு அதிர்ஷ்டக் கோடு எனப்படும். அந்த ரேகை விரலின் வீக்கமான பகுதி வரை சென்றால், அவருக்கு திருமணத்திற்குப் பிறகு நிறைய பணம் சம்பாதிப்பார் என்று கூறப்படுகிறது.
நடுவிரலுக்கு கீழே வீக்கமான பகுதியில் இருந்து பிரிந்து ஆட்காட்டி விரலுக்கு கீழே சென்றால், அந்த நபர் மிகவும் தொண்டு மற்றும் கருணை உள்ளம் படைத்தவர் என்று பொருள். ஹஸ்த சாமுத்ரிகா சாஸ்திரத்தின்படி, அத்தகைய நபர் உயர் பதவியும் கௌரவமும் பெறுகிறார் என்று கூறப்படுகிறது. ஒருவரது உள்ளங்கையில் அதிர்ஷ்ட ரேகை பாதியில் வெட்டப்பட்டால், அந்த நபருக்கு வெற்றி கிடைக்கும். ஆனால் பல்வேறு போராட்டங்களும் துன்பமும் சேர்ந்து நேரிடும் என்று கூறப்படுகிறது.
சேனலை கிளிக் செய்து பின்தொடரவும்