இன்று ஆடிப் பௌர்ணமி.. அனைத்து கஷ்டங்களும் தீர இதை செய்தால் போதும்..
By Ramya s | First Published Aug 1, 2023, 9:11 AM ISTநேர்மறை ஆற்றல் நிறைந்த இந்த நன்னாளில் அம்மனை வழிபட்டால் எண்ணிலடங்கா புண்ணியம் கிடைக்கும் என்பது ஐதீகம்..
ஆடி மாதம் என்றாலே ஆன்மீக ரீதியில் சிறப்பான மாதமாகும். அம்மனுக்கு மிகவும் உகந்த மாதமாகும். ஆடி செவ்வாய், ஆடி வெள்ளி, ஆடிப்பூரம், ஆடிப் பெருக்கு, ஆடி அமாவாசை என ஆடி மாதத்தில் வரும் அனைத்துமே சிறப்புவாய்ந்தவை. அந்த வகையில் இன்று ஆடிச் செவ்வாய், பௌர்ணியும் சேர்ந்தே வந்துள்ளது. நேர்மறை ஆற்றல் நிறைந்த இந்த நன்னாளில் அம்மனை வழிபட்டால் எண்ணிலடங்கா புண்ணியம் கிடைக்கும் என்பது ஐதீகம்..
எனவே வாழ்வில் முன்னேற விரும்புபவர்கள், இன்று அம்மனை தவறாமல் வழிபட வேண்டும். இன்று பௌர்ணமி அன்று உங்கள் வீட்டு வழக்கப்படி எந்த பூஜை செய்தாலும் அதனுடன் இந்த பரிகாரத்தையும் செய்து பாருங்கள். பணக் கஷ்டங்கள், மனக் கஷ்டங்கள், சுப காரியத் தடைகள் என அனைத்துப் பிரச்சனைகளுக்கும் தீர்வு கிடைக்கும். இந்த ஆடி மாதத்தில் பௌர்ணமி தினம் செவ்வாய்க் கிழமை வருவதால் செவ்வாழை அல்லது மாதுளம் பழத்தை வாங்கி அம்மௌக்கு நிவேதனம் செய்ய வேண்டும். வீட்டில் உள்ள அம்மன் படத்திற்கு பூஜை செய்து, வெற்றிலை பாக்கு, செவ்வாழை, மாதுளம் பழம் வைத்து, தீபம் ஏற்றி, தூபம் போட்டு, கற்பூரம் ஏற்றி வழிபாடு செய்வது மிகவும் சிறப்பு.
Latest Videos
undefined
வீட்டின் அருகில் இருக்கும் கோயிலுக்கு சென்று. வெற்றிலையை தாம்பூலத் தட்டில் வைத்து, செவ்வாழை மற்றும் மாதுளம் பழங்கள், கற்பூரம், ஊதுவத்தி ஆகியவற்றை வாங்கி கொடுத்து, உங்கள் பெயரைச் சொல்லி அர்ச்சனை செய்யுங்கள். குடும்பத்துடன் சென்று இந்த வழிபாடு செய்தால் கூடுதல் சிறப்பு. முடிந்தால் அம்மனுக்கு செவ்வரளிப் பூக்களை சொந்தக் கைகளால் வாங்கி மாலையாக அணிவிப்பது சிறப்பான பலனைத் தரும்.
செவ்வாய் என்றால் சிவப்பு. எனவே செவ்வாய்க்கிழமை வரக்கூடிய பௌர்ணமி நாளில் சிவப்பு நிறப் பொருட்களை எல்லாம் வாங்கி, அம்பாளை வழிபட்டால், கஷ்டங்கள் அனைத்தும் தீரும் என்பது நம்பிக்கை. இந்த வழிபாடு முடிந்ததும், வீட்டில் உள்ளவர்கள் அதில் வாழைப்பழம், மாதுளம் பழத்தை சிறிது சிறிதாக பிரசாதமாக சாப்பிட வேண்டும். மீதியை ஏழை, எளியவர்களுக்கு தானம் செய்யலாம்.
இது தவிர இன்றைய தினம் அனுமனையும் வழிபடலாம். நல்ல வருமானம் கிடைக்கவும், தீராத நோய் தீரவும். அனுமனுக்கு வெற்றிலை மாலையும் நெய்யும் பிரசாதமாகப் படைத்து அனுமனுக்கு பிரார்த்தனை செய்ய வேண்டும். இப்படி வழிபாடு செய்தால் வேலை இல்லதவர்களுக்கு வேலை கிடைக்கும். எனவே இன்று அம்பாள் வழிபாடு, அனுமன் வழிபாடு, உங்களால் இயன்ற வழிபாடுகளை செய்து நற்பலன்களை பெறலாம்.
மறந்தும் கூட இந்த பொருட்களை வீட்டில் வைக்காதீங்க.. எதிர்மறை ஆற்றலை கொண்டு வருமாம்..
சேனலை கிளிக் செய்து பின்தொடரவும்