பந்த் நடத்துறது நாங்கதான், ஆனா நாங்க கடைய மூடமாட்டோம்: காங்கிரஸ் எம்.எல்.ஏ.வின் அதிரடி!

பெட்ரோல், டீசல் விலை கடுமையாக உயர்ந்திருப்பதற்கு கண்டனம் தெரிவித்து காங்கிரஸ் தலைமையிலான எதிர்கட்சிகள் தேசம் முழுவதும் பந்த் நடத்திட அழைப்பு விடுத்தன. நாடெங்கிழும் பந்த் இன்று ஒரு மார்க்கமாக நடைபெற்று வருகிறது. இந்த நிலையில் தமிழகத்தில் பந்த்-க்கான ரெஸ்பான்ஸ் வணிகர்கள் மத்தியில் எப்படி இருக்கிறது? என்று முழு மாநிலத்தையும் ஆராய்ந்து பார்த்தால் பல இடங்களில் அதிர்ச்சி மேலிடுகிறது. காரணம், தி.மு.க, காங்கிரஸ் உள்ளிட்ட பி.ஜே.பி.யின் எதிர்கட்சிகளை சேர்ந்த முக்கிய நபர்கள் நடத்தும் தொழில் நிறுவனங்கள் திறந்திருக்கின்றன, பிஸ்னஸ் நடந்து கொண்டிருக்கிறது. அதிலும் கோயமுத்தூரில் உள்ள வசந்த் அண்ட்கோ நிறுவனம் திறந்திருக்கும் தகவல் ஆதார புகைப்படங்கள், வீடியோவுடன் பரவ துவங்கியிருக்கிறது. நாங்குநேரி தொகுதி காங்கிரஸ் எம்.எல்.ஏ.வான வசந்த குமார்தான் இந்த வசந்த் அண்ட்கோ நிறுவனத்தின் உரிமையாளர். இந்த நிறுவனம் இப்படி திறந்திருப்பது குறித்து மிக கடுமையான விமர்சனங்கள் பகிரப்பட்டு வருகின்றன...”ஒரு காங்கிரஸ் எம்.எல்.ஏ.வே தங்களது கட்சி தலைமை அழைப்பு விடுத்துள்ள பந்துக்கு இணங்கவில்லை, சொந்த பிஸ்னஸ்தான் முக்கியம், நாடெல்லாம் அப்புறம்! என்று காரியத்தில் கண்ணாக இருக்கிறார். ஆனால் சாதாரண பெட்டிக்கடை நடத்தும் வணிகர்களை கடை அடைக்க சொல்லி டார்ச்சர் செய்கிறார்கள். இது எந்த ஊரின் நியாயம்?” என்று ஆளாளுக்குப் பொங்குகிறார்கள். தமிழக பி.ஜே.பி.யினரும் இந்தை கையில் எடுத்துக் கொண்டு குதிக்க துவங்கியுள்ளனர். வசந்த் அண்ட்கோ திறந்திருக்கும் போட்டோ மற்றும் வீடியோவை தங்கள் டெல்லி தலைமைக்கு அனுப்பி ‘தமிழகத்தில் இதுதான் காங்கிரஸின் லட்சணம்’ என்று கொக்கரிக்கிறார்கள். வசந்தகுமார் அண்ணாச்சி, இது நியாயமா?!

பந்த் நடத்துறது நாங்கதான், ஆனா நாங்க கடைய மூடமாட்டோம்: காங்கிரஸ் எம்.எல்.ஏ.வின் அதிரடி!

Download App

Recommended Stories