ஜெயிலில் தன்னைத் தானே செதுக்கிக் கொள்ளும் சசிகலா! மிரளும் அரசியல் கட்சியினர்...

சிறைக்கு சென்று திரும்பும் போது ஒவ்வொரு மனிதனுக்குள்ளும் ஏதாவது ஒரு மாற்றம் நிச்சயம் வரும். வெளி உலகத்தில் கற்றுக்கொள்ள முடியாத பல விஷயங்களையும் ஜெயில் வாழ்க்கை கற்று கொடுத்துவிடும். அந்த வகையில் சிறையில் இருக்கும் சசிகலா இப்போது புதிதாக பல விஷயங்களை கற்று கொண்டிருக்கிறாராம். அவருக்கு தமிழ் மொழி மட்டுமே நன்கு தெரியும். இதனால் சிறையில் இருக்கும் போது தன்னுடைய இந்த சிறை வாழ்க்கையை பயனுள்ளதாக மாற்றிட புதிதாக சில மொழிகளை கற்று கொண்டிருக்கிறாராம். சிறைக்கைதிகள் விருப்பப்பட்டால் படித்திட உரிமை இருக்கிறது. சிறையில் படித்து பட்டம் பெற்றவர்கள் பலர். அந்த வகையில் சசிகலாவும் சிறையில் வைத்து படிப்பதில் ஆர்வம் காட்டி வருகிறார். தமிழ் மொழியை தாண்டி வேறு சில மொழிகளையும் கற்று கொள்ள வேண்டும் என தீர்மானித்திருக்கும் அவர் , ஆங்கிலம், கன்னடம், ஹிந்தி ஆகிய மொழிகளை தற்போது முறையாக பயின்று வருகிறாராம். ஏற்கனவே சிறையில் ஆங்கிலம் மற்றும் ஹிந்தி சொல்லி கொடுக்க மட்டும் தான் ஆசிரியர்கள் வருவார்களாம். கன்னடம் தான் அங்கு எல்லோருக்குமே தெரியுமே என்று கன்னடத்திற்கு இதுவரை ஆசிரியர்கள் நியமிக்கப்பட்டது இல்லையாம். ஆனால் சசிகலாவின் விருப்பத்திற்காக இப்போது கன்னட மொழி கற்று கொடுக்கவும் ஆசிரியர் வருகிறாராம். மொழிகள் கற்பதில் திடீர் என ஆர்வம் காட்ட ஆரம்பித்திருக்கும் சசிகலா, முழு மூச்சுடன் இந்த மூன்று மொழிகளையும் கற்று கொண்டிருக்கிறாராம். பாடம் சொல்லி தந்த பிறகும் கூட வெகுநேரம் மொழிப்பயிற்சியில் ஈடுபட்டிருக்கிறாராம் சசிகலா. இதனால் அவர் இப்போதெல்லாம் சிறையில் பிறருடன் பேசும் போது கன்னடம் தான் பேசுகிறாராம். மறைந்த முதல்வர் ஜெயலலிதா இது போன்ற மொழிகளில் எல்லாம் அசத்தலாக பேசுவார். அதை இளவரசியிடம் நினைவு கூர்ந்திருக்கும் சசிகலா, அக்கா என்னை அப்போதே ஆங்கிலம் கற்றுக்கொள்ளும்படி சொல்வார். நான் கற்று கொள்ளாமல் இருந்தது எவ்வளவு பெரிய தவறு என்று இப்போது தான் தெரிகிறது. எனவும் கூறி இருக்கிறார். இப்போதெல்லாம் சிறையில் வைத்து டிவி பார்க்கும் போது கூட ஆங்கிலம் மற்றும் ஹிந்தி சேனல்களை தான் அதிகம் பார்க்கிறாராம் சசிகலா. மெல்ல மெல்ல சிறை வாழ்க்கைக்கு பழகி இருக்கும் அவருக்கு இரத்தத்தில் சர்க்கரையின் அளவு இப்போது சீராக இருக்கிறதாம். காலையில் வாக்கிங், கொஞ்ச நேரம் யோகா, பிறகு படிப்பு, என்று எப்போதும் தன்னை பிஸியாகவே வைத்திருக்கிறார் சசிகலா. தன்னை பார்க்க வருபவர்களிடம் கூட இனி வரும் போது புத்தகங்கள் வாங்கி வாருங்கள் என கூறி இருக்கிறாராம். மொத்தத்தில் சிறை வாழ்க்கை முடிந்து வெளியில் வரும் போது பழைய சசிகலாவை பார்க்க முடியாது. முற்றிலும் பக்குவப்பட்ட ஒரு புதிய சசிகலாவாகவே அவர் வெளிவருவார். என நமக்கு உணர்த்துகிறது அவரின் இந்த நடவடிக்கைகள். அஜித்தைப்போல என் வாழ்க்கையில ஒவ்வொரு நாளும் ஒவ்வொரு நிமிஷமும் ஏன் ஒவ்வொரு நொடியையும் நானே செதுக்குனதுடா என ஆக்ரோஷமாக சொல்வதைப்போல சசிகலா ஒவ்வொரு நாளும் தன்னை செதுக்கிக் கொண்டு இருக்கிறார்.

ஜெயிலில் தன்னைத் தானே செதுக்கிக் கொள்ளும் சசிகலா! மிரளும் அரசியல் கட்சியினர்...

Download App

Recommended Stories